Read Zeme Naga GETOABELEU 41 Bible Online

GETOABELEU 41 - Zeme Naga bible

GETOABELEU 41

¹Kelaksiame je ’nningtinggeuchime yi de lei! Pe duanggabe mai ge Tingwang ne pechu lupat kai lei;

²Tingwang ne pechu ’nggum zai pechu tew’nring gai lei; heram lungge pechu â helungkatemibe kau je ku lei; pe teureime suî’nning ge nang ne pechu chige sâu gai mak lei.

³Tingwang ne pa ka’nrâbe jeî ge du pechu tei’nggim bei lei; pa teuneube leine ge nang ne pechu tew’mmi kam bei lei.

⁴A lam ge I kacheu de lei, “Hei Tingwang gau! achu ’nggia gai lau; achu tew’mmi gai lau, ning peireige I hemui gai ’ndi de lei!” ze acheu zeu.

⁵Lungkatîmphibe a teureime ne achu kacheu de lei: “’Ndaidaune pa chai ra lau, zai pe ji ga ra lau?” ze acheu zeu.

⁶Zai mige achu pie gai ra wang lu ze mâ-peruânggabe sam ramme dampat lei, pe lung ge pa pe jaisittewbe gekuagaibe luage zeu; pa hela zuapat dege pa â chize sarua de lei.

⁷Achu ngaugailakme gechu ne a rasam satelum bam lei; a hangge tew’nsia gai ra penui ’nning bam lei.

⁸“Kechaibe zat ne pechu rat’nde lei; pa jeigaidibe bâm gene pa chu dai ra mak lei,” ze penui kacheu de lei.

⁹I a kang muikat, suikat-tewpeu, a gu tingku teupeu ’nsangdu a peireige pe pîmesui huachu gai di de lei.

¹⁰Kane nang ne Hei Tingwang gau, achu ngau’nggia gai lau, achu zuchu gai lau, penui je I ruî dai le ra hangge zeu!

¹¹Nang a peireige ning suiyi gai de lei be aigene I chipat te lei, chige a teureipeu achu dui lak lei.

¹²I lungkattit bambeibe ziegene nang ne achu tei’nggim bei de lei, zai betingbeta hangge nang ne ning masuage achu kai bei de lei.

¹³Israelme Rapeu Tingwang je peize toa lau, betunmakbe gene betunmakbe chang zeu! Amen! Amen!