Read Zeme Naga GETOABELEU 48 Bible Online

GETOABELEU 48 - Zeme Naga bible

GETOABELEU 48

¹Tingwang â di-desang lei, zai pechu â toa’ndi ra de lei, anui Rapeu gu namdi ge zeu! Pe gu ka’nchibe kedeiloa,

²hube peluiyibe kedeirei leine gu hesuiyika’ntabe chang lei, kedeu ’mbe tingpeî ’mbia ge Zaion Loa, Heguang dilangpeu gu namdi gezeu.

³Chige Zaion kerielung geze Hera pe runne ne pechu sapdang gu lei be teilia lei.

⁴Pie le lau ni, heguangme wang’ndui gai lei, penui baukattew ze zuawangkaherua lei.

⁵Chi namdi ze penui ngaugap lu dege, penui hangge ’nningdaulak ti de lei, penui run-runne pak kam di de lei;

⁶chige ze penui hingkakedunbe ne ’mpuinung henalung ra kakeribe gum ze penui duângga di de lei.

⁷Naimik pat’mbia tingkai gene Tarshisram gu hedui-’nneikuak ramme nang ne tewhitruai gai bei de lei.

⁸Anui geseube luigum ze, baudime gu Tingwang gu namdi, anui Rapeu gu namdi ge anui ngau lu de lei, Hera ne betingbeta hang sumgaibe zeu.

⁹Nang hungka’ntipbe ze anui ’nning’nchuk kai de lei, Hei Hera gau, ning gu kellumki zuilung gezeu.

¹⁰Ning ji luigum ze, Hei Hera gau, chigum ze ningchu getoabe leu tingmik medai kehuachang de lei. Nang hezat’mbia ba â keduîbe ne pui lei;

¹¹peize Zaion Loa je hesuiyi’nta lau! Peize Juda na ’mpuimi ramme je ning gu samrambe kapelingbe ziegene penui suiyi’nta zu lau!

¹²Zaion ge tatrua lau, pechu tatguâ lau, pe gu heki kehube sat ramme sei lau,

¹³pe gu kerie ramme ’nchet’mmi lau, pe gu heguangki ramme pietui le lau; dezai rehei wangkeudairame dage nang mâ-saliachi le ra hangge zeu,

¹⁴aize Hera de lei, betingbeta hangge anui Rapeu lei be zeu. Pa ne betingbeta anui je kanguapeu chang gu lei.