Read Zeme Naga GETOABELEU 52 Bible Online

GETOABELEU 52 - Zeme Naga bible

GETOABELEU 52

¹Hei ziemmena peranchipeu gau, ’ndaitew nang ning jaîsittew ze Hera ’nning tewme peireige kedikuâ-kua lau? ’Nrîmbeting luî ge

²mâ-tew’nsia ra nang ’ndei bam lei. Ning leiria â ’nseîne pemuiliabe gum ze bam lei, miramme je tew’nsia ra nang tewpeu gau.

³Nang â keyibe je suadu kesiabe je ka’nchâ lei, zai samsang suadu karasa saka’ngkie lei.

⁴Tew’nsia’nderabe samramme deze nang â ka’nchâ lei, Hei nang choachibe leiria bampeu gau.

⁵Kane Hera ne ningchu betingbeta hangge tew’nsia ’ndu lei; pa ne ning gu hetiamki gene ningchu nîm gap lu ze chaktua ’ndu lei; pa ne ningchu keringme ram gene paihuakpat ’ndu lei.

⁶Ziemmena kapelingme ne ngau lu ze hing gu lei, zai pechu ’nnui ze acheu sa gu lei,

⁷“Ni, Hera ge pe gu ’mbaibâm hangge tewmakbe kau ziemmena, kane pe heu bambe ge ’nnumtew lu, zai pe heu ge pe gu ’mbaibâm hang peube kau je pie gai ni lau!” ze acheu zeu.

⁸Kane I â Hera ki lungge olib bang ka’ndiakbe gum bam lei. Betingbeta I â Hera hungka’ntipbe ge ’nnumtew bam lei.

⁹I ningchu toa bam bam gu lei, nang ne aize tewgaibeibe ziegeneu. Ning ji I paurua gu lei, ning gu ka’nchime bambe ge zeu, ning ji â yi daseu.