Read Zeme Naga GETOABELEU 53 Bible Online

GETOABELEU 53 - Zeme Naga bible

GETOABELEU 53

¹Kemiebe kau ne pe runne pe lung ge, “Hera ga lei,” ze acheu sa lei. Penui â lungchi mak ze mi ngaukatenetbe hemui-helut tâ tew ze bam lei; mâ-keyibe tewbe kau mî de ga lei.

²Hera â tinggîm ’mbene ziemmename name ramme peireige piekeu ze bam lei, Hera je peume, ka’nchime mige â la mei be ngau ra hangge zeu.

³Penui ’nteumena kâutat kam di de lei; penui ’nteumena ne lung’nsia kam ’ndi de lei; mige du keyibe tewbe kau ’ngga lei; hangkatte ga lei.

⁴Kesiabe tâ tewme dage mâ-sie gechîbe ga mei, a gu ziemmena je tingku teu gum ze teume bau, zai Hera je kûmakme bau zeu?

⁵Penui â mi hingka-desangbe bâm ge la de lei, mâdau aigumbe mi kehingbe daumakbe bâm ge zeu! Hera ’nning tewmakme ra ramme Hera ne tuârarip kai ’ndu lei; penui je tew’ngngam gai gu lei; Hera ne penui je tuâpatkai’ndibe ziegeneu.

⁶Hei Israelme je ripatkairabe ze â Zaion gene pat ku lei! Hera ne pe gu ziemmena heurâ ramme teiwang’ndui dai dezai, Jakobbe pe suiyi’nta gu lei, zai Israel ne pe suiyi gu de lei.