Read Zeme Naga GETOABELEU 54 Bible Online

GETOABELEU 54 - Zeme Naga bible

GETOABELEU 54

¹Hei Hera gau, Ning ji gene achu tew’nring gai lau, zai ning ranchi zene a deu hang teleu’nzei gai lau.

²Hei Hera gau, I kiebe kuâ ’ngking gai lau; a mui ge sam sapatbe ramme ze ’ngking’mmi gai lau.

³Duîzuttewme ne achu ’nggichu mui de lei, penui tegarâsiame ne a keringbe tewchat ra peu mui de lei; penui â penui suage Hera je kai mak lei.

⁴Pie gai ni lau, Hera â achu ka’ngngâpeu lei; Tingwang â a keringbe teika’nsappeu lei.

⁵Pa ne a teureime je kesiabe ne peiruî gai gu lei; nang ne peling gene penui je tew’ngga gai gu lei.

⁶Hesuiyibe ne peipatbe zene ning dage I herâtewbe pei gai gu lei; ning ji je I toa gu lei, Hei Tingwang gau, chize â, yi daseu.

⁷Kahereube zat leine gene nang ne achu lupat kai bei de lei, zai a teureime peireige duîlube mikpie ne I pie de lei.