Read Zeme Naga GETOABELEU 6 Bible Online

GETOABELEU 6 - Zeme Naga bible

GETOABELEU 6

¹Hei Tingwang gau, ning lumpumbe gene achu ’ngngiam se lau, zai ning râtabe gene achu kedeibe pei se lau.

²Achu ’nggia gai lau, Hei Tingwang gau, I â a ran-ga lei; Hei Tingwang gau, achu tew’mmi gai lau, a ra ramme kahereube ziegeneu.

³A keringbe je du tewhereu-desang gai lei. Kane nang â Hei Tingwang gau, ’ndaitiege achu ’ngngâ ra hangge gîng bam ra rei lau?

⁴’Nreiwang lau, Hei Tingwang gau, a keringbe tew’nring gai lau; ning gu hungka’ntipbe ziegene achu lupat kai lau.

⁵Kechaibe ge ningchu gechîbe ga de lei; Kechaiberam ge châu ne ningchu toachi ra lau?

⁶A lung hapbe gene I leikeu di de lei; muî’nsangne ge a mikdui ne a jeî du naîpi bam de lei; kehapbe gene a jei tewchim kam de lei.

⁷Kadesuibe gene a mik du mâ ngauzimra tai de lei, a teureime ziegene a mik ran-gakeu di de lei.

⁸Ningnui kesiabe tâ tewme leine gau, a dagene tatrimna de lau; Tingwang ne I kehapbe kuâ ’ngking bei daseu.

⁹Tingwang ne I kiebe kuâ ze ’ngking bei de lei; Tingwang ne I kakellumbe kuâ ze lu gai bei de lei.

¹⁰A teureime leine â, ’ngngam ze penui lunghereu gu lei; penui hechai ’nreitat ku, zai mâtiegemak ze penui je tew’ngngam gai gu lei.