Read Zeme Naga GETOABELEU 60 Bible Online

GETOABELEU 60 - Zeme Naga bible

GETOABELEU 60

¹Hei Hera gau, nang ne anui je tuâpat kai ze anui gu keriengdi ramme tew’nsia gai bei de lei; nang ne ning râta ze bam bam lei; hei, anui je teichu gai dai lau.

²Heram ramme ketei ra nang ne tew gai bei de lei, chize nang ne tew’ngkak kai bei de lei; chi ’ngkaktibe ze teleu gai dai lau, chize ’ngngaihiak bam daseu.

³Nang ne ning gu ziemmena je hereuteniangtiang gai ra tew gai bei de lei; anui kenukleu bam ra hangge nang ne anui je wain sak ra pei bei de lei.

⁴Ningchu kehingme hangge nang ne hepiepaî lîm gai bei de lei, chidezai ning gu samsang gene tei’ndupuang gai be ra hangge zeu.

⁵Dezai nang kehungme je ’nripat kai be ra hangge nang hezat’mbia ba ne kengambe pei gai ze anui kuâ kak kai ra hangge zeu!

⁶Pe gu ka’nchibeki gene Hera ne sam sa gai bam de lei: Hesuiyika’ntabe ne Shekem ram ze I ne ’nzipâng gai gu lei, zai Sukkoth kâm ge timchak kai gu lei.

⁷Gilead â a gu lei; Manasse â a gu lei; Ephraim ze â a gu hegeî peichûp lei; Juda â a gu langsiutui lei.

⁸Moab â a gu mâ-huibe kuak lei; Edom peireige a pîchûp tuâ gai lei; Philistia peireige kengambe gene I ’ngkiak kai lei,” acheu zeu.

⁹Châu ne achu kerie peranchibe namdi ’mbe ngua gai ra lau? Châu ne achu Edom ’mbe ngua gai ra lau?

¹⁰Hei Hera gau, nang ne anui je tuâpat kai ’ndi de mak ti lau? Anui gu hereikangme ruage nang ne nguazuapat kai ra tat mak ti lau? Hei Hera gau,

¹¹Hei anui teureime je ’nggi ra anui je ka’ngngâbe pei lau, ziemmena ne ka’ngngâbe â ’nta lei!

¹²Hera benai kuugiereu ze anui tew gu lei; anui reime je chaîkaugairapeu ze pa lei.