Read Zeme Naga GETOABELEU 61 Bible Online

GETOABELEU 61 - Zeme Naga bible

GETOABELEU 61

¹I kûka’nrungbe kuâ seu gai lau, Hei Hera gau, I kakellumbe kuâ ’ngking gai lau;

²kedeimik gene ningchu I ku lei, I a lung ran-gadibe luage zeu. I suadu hubibe tingchutum ge nang ne achu nguachu gai lau;

³nang â a ’mbaibâm de lei, heteureime je rikbe hekêtkaibe-kaira ka’ntipbe zeu.

⁴Ning gu paîki ge betingbeta achu bam ra pei lau! Hei ning kan kezuikang ge temichai ze ’nseu bam ra pei bei laîzai!

⁵Hei Hera gau, nang ne a gu sam deseugaibe ramme seu gai bei de lei, ning ji je kehingme gu hedam bambe ze nang ne achu pei gai bei de lei.

⁶Heguang ringting ze tew’ntie gai lau; rehei leine ge peize pe gu tingkum ramme ze tat-hang bam ra de lei!

⁷Hera masuage peize pechu â, betingbeta heguang hang tei’ntau gai ze bam bam lau; hungka’ntipbe benai ’nnumka’mmibe ne peize pe peireige bam-bam lau!

⁸Chidezai ning ji je I toa ze leutew bam gu lei, patingnaigepat a gu deseugaibe I tewpuibambe gezeu.