Read Zeme Naga GETOABELEU 62 Bible Online

GETOABELEU 62 - Zeme Naga bible

GETOABELEU 62

¹Hera je runne zîngbe gene a keringbe ne kuâ bam lei; pe dagene a hang tewka’nringbe wang lei.

²Pa ze runne a gu tingchutum zai a hang tewka’nringpeu, a gu keriengdi chang lei; achu tew’ngngai ra mak lei.

³Mige hangkat kerie gum kechuîhiak bambe, ’mbie ’mpiriam gum bambe kau je ’ngngaîkeu tuâhitruai gai ra pechu ningnui ’nteumena ne ’ndaitie riâ kaikua ra lau?

⁴Pe ji ditau bambe gene pechu chuikâu ne ra runne penui kaheka lei. Penui â mak-makbe ge ’nchâlai bam lei. Penui mui gene ’nnam gai lu, kane penui lung ge â penui â chiang gai bei tai lei.

⁵Hera je runne zîngbe gene a keringbe ne kuâ bam lei, a gu kaheguîbe â pe dagene chang lei.

⁶Pa ze runne a gu tingchutum zai tewka’nringpeu, zai a gu keriengdi lei; achu kechuî’ngngai ra mak lei.

⁷Achu ripatkaibe benai a ngeudibe ze â Hera peireige tua gai ze bam lei; a gu peranchibe tingchutum, a ’nseubâm ze â Hera ze de lei.

⁸Hei ziemmename gau, pehî’nsangne ge pa ge ’nnum’mmi ze bam lau; pe suage ningnui lung latpat kai lau; Hera â anui hang ka’nseube bâm de lei.

⁹Ziemmena kenabe hut ge lungme ze â hechuilube riâ runne lei, ziemmena kehube hut ge bambe ze du besie-pahelî hang runne lei; hedu ramme gene penui je ’nchu gai ra ga lei; chi bau na ze hechui (tingkai) suadu ’nchâ’nteu lei.

¹⁰’Nchi-chine sut-kagetiebe zat ge ’nnumtew se lau, hegasutteube ’mpuî ge peruânggabe gene ’nchâ se lau; keheube pungpat lêuzaidu chiramme ge ningnui lung kai se lau.

¹¹Hera ne luakat sam sapat kai lei; aize I ne lua na seu de lei: Reziechibe ze â Hera gu lei zeu;

¹²zai Hei Tingwang gau, chi hungka’ntipbe ze du ning hang chang lei, acheu zeu. Nang ne ziemmename je penui tâtewbe tak luigum ze peiruî kadai dadegeu.