Read Zeme Naga GETOABELEU 63 Bible Online

GETOABELEU 63 - Zeme Naga bible

GETOABELEU 63

¹Hei Hera gau, nang â a Rapeu lei, ningchu I peu lei, a keringbe zene ningchu hedui gum kaherei lei; ning hang ziegene a pum peran gakeu di de lei, heram gechangbe, ’nchuimakbe bâm ge bambe gum zeu.

²Chigum ze ka’nchibe bâm lungge ningchu I pie gai de lei, ning rimchi benai ning ngeudibe pie zeu.

³Ning gu hungka’ntipbe ze â keringbe suadu yi’nteu di dadege a mui ne ningchu toa gu de lei.

⁴Chigum ze I ring tâne ningchu I ne ’nnam gai bam gu lei; a ba getuachu ze ning ji I kû gai gu lei.

⁵Mâ-’ngking benai mâ-châ teube gene gum ze a keringbe â pe lungwângchang ze la de lei, zai hesuiyika’ntabe mui a mui zene ningchu toa gu lei,

⁶a jeî gene ningchu I ’nning ze bambe lua, zai tingmuî ge hekêtkaibe lua ramme ge ningchu ’nninghekuîgaibe luage zeu;

⁷nang ne a ran hang chang ze bam lei, zai ning kan kezuikang gene a suigut ne I heleutew de lei.

⁸A keringbe ne ningchu ’mpêugit ze bam lei; nang hezat’mbia ba ne achu tei’nggim bei lei.

⁹Kane a keringbe tew’nsia ra peume â kedei gechukbe ge gut kai gu lei;

¹⁰penui je â hiazutkie gu ranchi ge peipat kai ’ndu lei, penui â munserung ramme hetak hang chang gu lei.

¹¹Kane heguang â Hera ge hesuiyi’nta gu lei; Hera gene deseulume leine â, penui ngeu di gu lei; karasa sachime mui ze â sau gai du lei.