Read Zeme Naga GETOABELEU 67 Bible Online

GETOABELEU 67 - Zeme Naga bible

GETOABELEU 67

¹Hera ne anui je peize ngau’nggia gai lau, zai anui je peize ’nnam gai lau, zai anui peireige peize pe ju sireba gai lau,

²chidezai kedeirei ge ning gu ’mpuî peize chî le ra, ning gu tewka’nringbe rezie pezat leine ge peize chî le ra hangge zeu.

³Peize hezat leine ne ningchu toa bam lau, Hei Hera gau; peize hezat kebam leine ne ningchu toa lau.

⁴Peize heramzatme ne hesui’nta lau, zai hesuiyibe ne peize heleutew lau, peling gene nang â hezat ramme je samram, zai kedeirei ge heramzatme je nguada bam bei daseu.

⁵Peize hezat ramme ne ningchu toa lau, Hei Hera gau; peize hezat kebam leine ne ningchu toa lau!

⁶Kedei ne herachi misongga ze ’nchipat kai bei lei; Hera, anui Rapeu ne anui je ’nnam gai bei de lei.

⁷Hera ne anui je ’nnam gai bei de lei; kedeimik ’nsangne ne pechu peize hing ze bam lau!