Read Zeme Naga GETOABELEU 8 Bible Online

GETOABELEU 8 - Zeme Naga bible

GETOABELEU 8

¹Hei Tingwang, anui Wangpeu gau, kedeirei leine ge ning ji â yi-desang lei! Tingkehube peireige ning ngeudibe kaibeipeu nang zeu,

²napoine ramme benai ’ngngiêne mui gene du getoabe leu zie bam lei, ning teureime ziegene nang keriengdi teichu gai lei, kahereime je deî’nsau ne ra hangge zeu.

³Ning gu tingsung kedibe ge ning ba ne ’ndamgaibe, hekêu benai hegi ramme nang ne kai’ntipkai’ndibe ze I pie gai lei;

⁴ziemmena ze ’ndaikau lau? Pechu ze nang ne chibam ra, zai ziemmena na ze ’ndaikau lau, nang ne ’nningtinggeu bam ra hangge zeu?

⁵Acheuleusedu Hera sua â pechu â kecheîne ge â, chei bi ra nang ne tew gai bei de lei, zai hengêutewbe benai pengêudibe gene nang ne pechu heguangpeichûp luak kai bei de lei.

⁶Ning batâ ramme peireige pa ne pe suitew ra nang pechu pei bei de lei; pe pî kangge getaleine nang ne kai kam gai bei de lei,

⁷meli ramme benai getumsei ramme leine, zai hênam ge hekaubena leine,

⁸kehube ge liamruabe ’nruine ramme, zai sungkling lungge hekâ ramme benai hedui ge buaruabe leine zeu.

⁹Hei Tingwang, anui Wang gau, kedeirei leine ge ning ji di-desang lei!