Read Zeme Naga GETOABELEU 82 Bible Online

GETOABELEU 82 - Zeme Naga bible

GETOABELEU 82

¹Hera gu ka’nduibe bâm ge Hera ne pe bâm ge sap lei, samramme bambe zuilung ge pa ne samrambe tâ ze tei lei:

²“’Ndaitie ge ’nzeimakbe gene ningnui samram bam ra, zai helungriaksiame peireige kehung-ka’nrie teilia bam ra rei lau?

³Ka’nnume benai bepeugame peireige mâ peling tew gai lau; kategabe lieme benai kelaksiame dage yichi ze bam lau.

⁴Ka’nnume benai kegame je meupat kai lau; helungriaksiame ba gene penui je lupat kai be lau.”

⁵Penui dage mâ-gechîbe du ga zai mâ-’nningchibe du ga lei, penui â kemuîbe ge dekirua lei; kedei besingkam luî ze kechuî’ngngai gai de lei.

⁶“Ningnui â hera ramme de lei, Hera Hulangpeu name bau, ningnui ’nteumena zeu;

⁷acheuleusedu, ziemmename gum ze ningnui du chai gu lei, zai mi-mige heguangme gum ze ningnui kâukeu gu lei,” ze I kacheu de lei.

⁸Zuachu lau, Hei Hera gau, kedei je samram gai lau; heramzatme leine ning gu kam de lei!