Read Zeme Naga GETOABELEU 87 Bible Online

GETOABELEU 87 - Zeme Naga bible

GETOABELEU 87

¹Ka’nchibe deiloa peireige pa sumgai’ndibe namdi sap la lei;

²Jakobbe lungbe bâm ramme suadu Zaion keriekemui ramme ze â, Tingwang ne hungka’nteu lei.

³Hei, Hera gu namdi gau, pengêudibe rasam ramme ning peireige sa gai ’nde lei.

⁴Achu gechîme ruage Rahab benai Babilon keloa ji I kûchu gai lei; pie le lau ni, Philistinme benai Tira zai Ithiopia du ’mpau ze, “Aipaupeu â chigene lungkeu gai kau de lei,” ze penui kacheu de lei.

⁵Zai Zaion je â acheu ze sa gai bu lei, “Aipaupeu benai chipaupeu je chigene lungkeugaibe kau de lei,” zeu; Hulangpeu gîmsing ne chipau namdi sum’ntip kai gu lei.

⁶Pe gu ziemmename riak riambe ge, Tingwang ne pe gu leisikuak ge, “Aipau peu je â chigene lungkeu gai de lei,” ze raw gai lei.

⁷Heleutewme benai helim-limme gumbe kau ramme zene, “A gu heduitering leine â, nang ge lamui lei,” ze kacheu de lei.