Read Zeme Naga GETOABELEU 94 Bible Online

GETOABELEU 94 - Zeme Naga bible

GETOABELEU 94

¹Hei Tingwang gau, nang hekûmruîbe Hera, Nang hekûmruîbe Hera, lerba gai lau!

²Zuachu lau, Hei kedeirei je samrampeu gau; gechîrettewme je penui ngau ra buibe ze pei gai be lau!

³Hei Tingwang gau, ’ndaitie ge helungriaksiame ne, ’ndaitie ge helungriaksiame ne ’nsumchai ze bam ra lau?

⁴Penui gu gechîrettewbe sam ramme penui ne ruîpat kai lei, kesiabe tâ tewme leine penui kedikuâ-kua lei.

⁵Ning gu ziemmena je penui ne kutkagetie lei, Hei Tingwang gau, zai ning heurâ chang ze bamme bau je tewkahereu lei.

⁶Kemîpuime benai hesang-tebeîtewme je penui ne tewchat, zai penui peu game je tewchat lei;

⁷zai penui ne, “Tingwang ne ngau me lei; Jakobbe Rapeu ne chî me lei,” ze acheu sa lei.

⁸’Nchingchi le lau, Hei ziemmename ’ntalangme gau! kemieme gau, ’ndaidaune ningnui ningching de ra lau?

⁹Mi kun taugaipeu ne seu mak bam semei? Mi mik tewgaipeu ne ngau mak bam semei?

¹⁰Heramzatme je sâ-ze-deibepeu ne sâ-ze-dei mak bam semei? Ziemmename je mâ-gechîbe geteiliapeu,

¹¹Tingwang ne ziemmena ka’nningbe tak ramme chikâ la lei, penui â penui chuilu runne de lei.

¹²Nang ne sâ-ze-deibe kau ziemmena, zai nang ne ning gu hingde gene geteiliabe kau â, helungtemi gu lei, Hei Tingwang gau,

¹³kahereube mai ramme ge pechu gesaube pei ra hangge zeu, helungriaksiame hangge mâ-kuiki rua gai mak tânai.

¹⁴Tingwang ne pe gu ziemmena je sâudiak kai ra mak lei; pe heurâ changme bau je sâudiakkai ra mak lei;

¹⁵ka’nzeime ne kapelingme tailam helatwang dai gu lei, zai helung ge ka’nzeime leine ne chize sui gu lei.

¹⁶Helungriaksiame je ’nggi ra châu ne achu nguazuachu lau? Kesiatewme je ’nggi ra châu ne achu nguasapchu lau?

¹⁷Tingwang ne achu ka’ngngâpeu hang chang mak nung laîzai â, keringbe je zîngberam ge bam gai du de lei.

¹⁸I “A pî chaîhit kai lei,” ze kacheube luage, ning gu hungkantipbe zene Hei Tingwang gau, achu zuchu gai bei de lei.

¹⁹A lung ’nningkatenangbe ramme misongga bambe luage, nang tumgaibe sam ramme zene a keringbe lungsui tewrengachai gai bei de lei.

²⁰Samramme penui lungriaksiame, hingde rawdiakkaibe gene hejaîsittewme ning dage heruachi duî semei?

²¹Kapelingbe kau gu keringbe peireige ’nggi ra penui pebau pungchu lei, zai pemâugabe kau je chau’ngkui gai lei.

²²Kane Tingwang ne a gu keriengdi peranchibe, zai a Rapeu, I ka’nseube chutum chang bei de lei.

²³Pa ne penui gu hemui-helut ze penui peireige teiwang gai dai gu lei, zai penui lungriaksiabe ziegene penui je nuitua ’ndu lei; Tingwang anui Rapeu ne penui je nuitua ’ndu lei.