Read Zeme Naga GETOABELEU 95 Bible Online

GETOABELEU 95 - Zeme Naga bible

GETOABELEU 95

¹Hei wang lau, Tingwang dage leutew zu kei lei; anui gu tewka’nringbe tingchutum dage hesuiyibe kuâ ’nrahim gai ra tew zu kei lei!

²Mi suiyibe sam pau ze pa bambe ge zuawang gai zu kei lei; pe dage getoabe leu ramme hesuiyibe gene tewhim gai zu kei lei!

³Tingwang â Hera dilangpeu de lei, zai hera ramme leine peireige Heguang dilangpeu de lei.

⁴Kedei gu gechukbe ramme pe ba ge la kam de lei; kedeiloa kehube ramme ze du pe gu kam de lei.

⁵Sungkling ze pe gu lei, pa ne chize tew gai dadegeu; pe ba ne heram changkube tew gai de lei.

⁶Hei wang lau, kei lei anui kellum ze keikeu gai zu kei lei, anui je Ka’ndampeu, Tingwang masuage kukdungkeu gai zu kei lei!

⁷Pa â anui Rapeu de lei, zai anui â pe gu melitaning gu ziemmename de lei, zai pa ne reîbambe meli de lei, Hei nemai ge ningnui pe kuâ seu ra de lei!

⁸Meriba ge gum ze ningnui lung ramme tew’nchi lu bam se lau, chi hênamkang Massah ge bambe mai ge gum zeu,

⁹ningnui paume ne achu kakedak te lei, zai penui a tatew ngau lu sedu, achu kapedeu de lei.

¹⁰Kum hedai I ne chipau reheime peireige ngautenet ze, “Penui â penui helung ’ngkiedibe ziemmename de lei, zai a ’mpuî ramme je mâ-hangge du chak kai mak lei,” ze kacheu de lei.

¹¹Chipauziegene a rata ne I deset kai de lei, dezai penui a gu gesaube ge gut mak ra hangge zeu.