Read Zeme Naga GETOABELEU 98 Bible Online

GETOABELEU 98 - Zeme Naga bible

GETOABELEU 98

¹Hei Tingwang dage heleu karchibe tew lau, pa ne ningdaulakbe tâ ramme tew gai bei daseu! Pa hezat’mbia ba benai pe ba ka’nchibe ne pe hangge kengambe ngau lu de lei.

²Tingwang ne pe gu kengambe chî ra tewliâ gai bei de lei, heramzatme mikngau ge pe gu peling teiliabe ze rapatlia gai bei de lei.

³Israel ki dage pe gu hungka’ntipbe benai lungsangtewbe ze pa ne chibam bei de lei. Kedeimik ’nsangne ne anui Rapeu gu keduîbe ngau kam lu de lei.

⁴Tingwang dage misuiyibe kuâ-ruak ramme tewpat ze bam lau, kedeirei leine gau; misuiyibe leu tuachu ze suang zu lau!

⁵Tingwang je ’nrabung tei ze suang zu lau, ’nrabung kuâ benai heruak ka’nsambe ne suang zu lau!

⁶Hegeîluîkie ramme benai mâkie ka’mmutbe kuâ ne, heguang, Tingwang masuage hesuiyibe kuâ-ruak ramme tewpat ze bam lau!

⁷Peize sungkling je ’mbeu zu lau, zai pelung ge bambe leine neu; kedeirei zai pelung ge bambe leine neu!

⁸Peize heduinaîbe ramme zene penui ba gekeu zu lau; peize kedeiloa ramme zene hesuiyi ze heleutew’nsam lau

⁹Tingwang masuage zeu, pa ne kedeirei je samram ra wangkeu daseu. Pa ne kapelingbe gene kedeireime je samram gai gu lei, zai hezat leine je ka’nzeibe gene samram gai gu lei.