Read Zeme Naga SAMREKUM 18 Bible Online

SAMREKUM 18 - Zeme Naga bible

SAMREKUM 18

¹Lekchibe kau â, pe sui-sui tew lei, samramkeugailube leine tewkeleu’nsia ra hangge zeu.

²Kemiebe kau â, mâ-mâ chî ra ’nchâ mak lei, kane pe gu machi runne latlia-lia lei.

³Helungriaksiabe bam dege ngaugailakbe du bam lei; zai hengêutew ga dege tewkahelêube du bam lei.

⁴Ziemmena mui gene sapatbe sam ramme â, heduigechukbe de lei; zai kaningchingbe gu depin â, ’nggeutenane luahuai bambe gum lei.

⁵Ziemmena helungriaksiabe kau peireige kehung-ka’nrie tew ra yi mak lei, zai katelingbe kau peireige samram’nzei gai ra nam ra yi mak lei.

⁶Kemiebe kau sam â hegei ra tewpatchi lei, zai pe kuâ ziegene lak kai ra chang lei.

⁷Kemiebe kau mui â pechu tewka’nsiabe kau lei, zai pemuitai ze â pe runne pe hangge ’mpia de lei.

⁸Mâ-ka’nsiampeu gu sam ramme â mâ-teuyine gum lei; chipau sam ramme mi lungsîng gutchang lei.

⁹Pe tâ ge karengabe kau â pechu tewka’nsiapeu kina de lei.

¹⁰Tingwang ji â heki kehube peranchibe de lei; ziemmena katelingbe kau chige pakwang gai lu ze temichai ze bam lei.

¹¹Lungyipeu heurâ â pe gu namdi ka’ntipbe de lei, kerie kehube gum ze pechu ’nggum bei lei.

¹²Tew’nsiarabe suage ziemmena lung ge gechîrettewbe bam lei, kane hengêutewbe suage kecheiluîtewbe ne raîtat lei.

¹³Mige ne seu raî mak ze samkak tizai â, chize â pe hangge kemiebe benai ka’ngngambe de lei.

¹⁴Ziemmena pe lungsuitak zene teuneu-kahereube lie gu lei; kane pe lungsuitak ze pâng dizai châu chize pungchi ra lau?

¹⁵Helungsui ka’nrakbe zene mâ-chîdau lei, zai kaningchingbe kau kun ne mâ-gechîbe peu lei.

¹⁶Ziemmena pe gu mâ-kela peibe ne pe hangge ’mpuî lat kai lei, zai kedime suage chize ne pechu nguawang gai lei.

¹⁷Hetû ge sam saraipeu â ka’nzeibe gum chang lei, kêdapeu wang ze pechu ’nneudesi gai mak tânege aî.

¹⁸Hedachakbe ne hetû ze teleu’ntia gai lei, zai chigumbe ne peranchime hangna je kaichâm gai bei de lei.

¹⁹’Mi sikina kau je ka’ngngâbe â keloa kabesingbe riâ lei, kane kadesitbe â keloa gu kerie ’ngkamchâp riâ de lei.

²⁰Ziemmena â pe sam ziegene ’nggeu bam lei; zai pe mui sam tewchibe gene pe lungwângchang ze bam lei.

²¹Chairabe benai ringrabe â heleiria tâtewchibe gu rezie ge la lei, zai chize ka’nchâ-châme ne chipau rachî raiteu gu lei.

²²Pe nâu hang ngaube kau â mâ-keyibe ngau de lei, zai Tingwang dagene ngau’nggiagaibe ngau lu de lei.

²³Kelaksiame â yichaine ze kiam lei, kane lungyime â ’ngngangrie ze kak lei.

²⁴Mi kang changneibe helîtewbe kau mi kangme ramme la lei, kane mi kang hangkat â, mi sikina suadu mi je hechutka’nteube kau la lei.