Read Zeme Naga PAURUAPEU 11 Bible Online

PAURUAPEU 11 - Zeme Naga bible

PAURUAPEU 11

¹Sungkling ge ning gu tingku tuâ gai be lau, tingnaimikpui misonggabe chang dezai nang ngau dai gu daseu.

²Ning gu dam ramme ze bâm sena ge mei nu desat riâ ge mei ze kai le lau; kedeirei ’ndaikau kesiabe wangchang gu mei be nang chî mak daseu.

³Kemâu ge hedui pungpuigit bam zai â, kedei ge ruî’nrua kam gai lei; hingbang ze tingpî ’mbia mei nune tingpeî ’mbia mei ge kau gai zai â, chi hingbang kâugaibe bâm sing ge chize tuâ bam gu lei.

⁴Tingkai je ’nchet bambe kau â helei kai ra mak lei; zai kemâu ramme ma piebambe kau â helu gat ra mak lei.

⁵Hena ka’mpungpui nebâm lungge napoine ra ramme ge ’ndaigum ze keringbe chuilu gut lu mei be nang chî mak gum ze, Hera mâgetaleine ’ndamgaipeu tatew ze nang chî mak lei.

⁶Hechua ge ning gu helei ling lau, zai hegî ge du ning ba saukeu gai se lau; ’ndaibe zene pung-ze-sapat ra mei, aize mei nune wîze mei nune kena yi’nsamrap gu mei be nang chî mak daseu.

⁷Kebabe â yi lei, zai mi mik hangge mi mik ze â piezeûne tai lei.

⁸Mige tingkum misongga ring lêuzai â, peize chipau tingkum ramme lungge pe suiyi’ntaza ze bam lau; kane kemuîbe naimikpui ramme â tie-desang gu lei be peize chî le lau. Mâ-wangchangrabe leine ze â peruânggabe lei.

⁹Rehangme nung gau, ning rîting ge ’ntaza ze bam lau, zai peize ning lung zene ning rîting ge ning lungsui tew’nta gai ze bam lau; ning mik ne ngaube benai ning lung ne ka’nchâbe ’mpuîki ge tat lau. Kane airamme leine ziegene Hera ne samrambe ge ningchu teiwang gai gu lei be chî le lau.

¹⁰’Nningkahereube ze ning lung gene lutua ne lau, zai petedteube ze ning pum gene tei’mbia ne lau; mi rîting benai mi pum keringbe pîbang ze â peruânggabe kau daseu.