Read Zeme Naga HELEU RAMME GU HELEU 3 Bible Online

HELEU RAMME GU HELEU 3 - Zeme Naga bible

HELEU RAMME GU HELEU 3

¹Tingmuîzeu ge a jeî gene a keringbe leine gene I ka’nraipeu je I peuka’nzie lei; pechu I peu, kane peudau mak, pechu I ku de lei; kane kak mak te lei.

²“Chunage I zuachu ze namdi ge kinrua gu, puidi ramme ge zai keloa’ndi ge zeu; I peu sing gu lei, a merai jeu,” I peu de lei, kane peudau mak lei.

³Tingmuî ge hekêtkaime ne achu ngaudau di de lei, namdi ge hekêt-kai ze tat-hang tatkeu ze bambe luage zeu. “Ningnui a merai je ngaudau mei?” ze penui je ka’nneu de lei.

⁴Penui dagene I tatchâmpat gap kai dadege, I ngaudau lu de lei, a merai je I pam de lei, zai a pui ki ge nguawangchang mak tâne tat ra I ne pechu pei mak te lei. Zai achu lungkeupui kisîam gezeu.

⁵Ningnui je I kiam lei, Hei Jerusalem na heleume nung gau, hetidekaîne benai ka’nzetbe hetimeleupui ji gene deseu gai lau, anai kat-kat je ka’nraibe ze ningnui tewkebuak ra mak, zai kehungbe ne pe lungwângchang mak tâne tew’nrak kai ra mak lei zeu.

⁶Wîze tingkangram ’mbene hemika hiaribe gum ze wangbe ’ndaikau se lau? Mur-taudui benai kerutarîm yibe ne namhun ze, helîkahedetme ne zuabe perîmyibe moîne rîm gum zeu?

⁷Ni Solomonbe gu doliera pua lu wang mui de lei, Israelme gu peranchime ruagene peranchime riakserukme ne puaracha lu zeu.

⁸Penui ’nteumena hiazutkie ramme pua la lei, hereitewchime bau ’nteumena hiazutkie ramme penui nie ge keîkezitlia la lei, tingmuî ge ka’nggibe wang ra hingbe ziegeneu.

⁹Lebanon gu heching zene Heguang Solomonbe ne pechu puabe kaira tew gai de lei.

¹⁰Bechia ramme hangge gepût ne tew lei, besîng ge gechâk ne lia lei, bâmrak ge â gieremangbe paî ne, Jerusalem na heleume ne heziakpaî remingzun-gailube ne tap kai lei.

¹¹Zuapat zu lau, Zaion na heleume gau, zai heguang Solomonbe je pie gai ni lau, pechu kahegiabe mai ge pe suiyika’ntabe mai ge, pe pui ne heguang peichûp luakkaibeibe peichûp kai lu zeu.