Read Zeme Naga HELEU RAMME GU HELEU 4 Bible Online

HELEU RAMME GU HELEU 4 - Zeme Naga bible

HELEU RAMME GU HELEU 4

¹Hezêu gai lau, ning jupâ yi lei, a merai nang releuyi lei! Ning peî ’ngkumnambe lung gene ning mik â, depeine mik gum ze heguiri la lei. Ning tam â kemeidung gum, Gilead’mpei ’mbia kin-gau-gaukêudibe gum lei.

²Ning geuria â, melidung penui gêu chiaptualube chângge heduipia-zun lu wangbe helî gum lei, penui ’nteumena hena ’mpinlung, katte henagapui bam mak lei.

³Ning muitai â ’ntologie gum, zai ning mui â hemikziewang-desang lei, ning ju tapchimbe paî kangge bambe ning biapi â turiechipum pânggaibeibe gum lei.

⁴Ning guangtie â, Dabidbe gu heki kehube hereimerua kai ra tewgaibeki gum getualieng bam lei. Chige hinggei ramme chang kat riâ keî’nchie bam lei, heteureipeu ramme gu hinggei ramme zeu.

⁵Ning gapâ kena ze â, hetidekaîne ’mpinlungbe kena lilipâ zeu ge kadeteube gum lei.

⁶Hechua bapat mak tâne, zai kemuîbe ’nggâutat mak tâne, Mur deiloa’ntûm ge, zai keruta deiloa ge I bamkuâ gu lei.

⁷Nang â ning luîsak yi-desang lei, a merai ning dage â heziâk ga lei.

⁸Lebanon gene a chai suiwang lau, a nâu-rabepui gau; Lebanon gene a chai suiwang lau. Amana loa’ntûm gene zai Senir benai Hermon loa’ntûm gene, zai duilui ramme benai keriakau ramme deiloa ramme gene tatrimna de lau.

⁹A kinapui zai a kimpui-rabepui gau, a lung nang ne hegatat ’ndi de lei, ning mikpie gene zai ning teuria ge teluichu kat bambe ne a lung nang ne sut lu de lei.

¹⁰A kinapui zai a kimpui-rabepui gau, nang achu ka’nraibe-gut nung ze hêu! wain sua â nang achu kehungbe â yi’ngkeu lei, zai ning gu taudui ramme rîm â, (hegimung) perîmyibe moîne ramme sua yi’ngkeu lei!

¹¹A nâu-rabepui gau, ning muitai ramme ne mâpâ-dui gekumbe tewka’nchi lei; ’ngkuidui benai tungdui â ning lei kangge la lei; ning paîni ramme rîm â Lebanon loa rîm gum lei.

¹²A kinapui zai a nâu-rabepui ze â, rienamting’ndibe merie de lei, rienam’ndibe heduitering benai depin gum lei.

¹³Ning gu pebang puakpatbe ramme â, turiechî merie gum lei, perachî peluiyibe ’nchikeu lei.

¹⁴Henna benai nard, nard benai saphron, kalamus benai ’nteuma bang, kerutabang ramme, Mur benai alos, zai perîm yilangbe zat ramme leine puigit lei.

¹⁵Nang â kerie lungge dekuaki bambe, hedui keringbe dekuaki, zai Lebanon loa gene luakeube geuki ramme gum lei.

¹⁶’Nraklepchu lau, Hei tingpeî tingkai gau, wang lau, tingpî tingkai gau! A gu merie peireige guizua gai lau, perîmyibe ne nampuigit bam ra hangge zeu. A merai je peize pe gu merie ge zuawang lau, pe gu merie ge zuawang lau, zai peize perachî yilangbe ramme raiteu le lau.