Read Zeme Naga ISAIA 12 Bible Online

ISAIA 12 - Zeme Naga bible

ISAIA 12

¹Chipau mai dezai nang ne acheu gu lei: “I ne a suiyibe sam ning dage pau gai gu lei, Hei Tingwang gau, nang ne a peireige ning lung sia gai ze bam sedu, ning râtabe ze tat te lei, zai nang ne achu tum gai bei de lei.

²“Pie le lau, Hera â a gu tewka’nringbe bangpui lei; I ’nnumtew bam gu lei, zai mâ je de hing ra mak lei; Tingwang Hera â a ranchibe bangpui benai a leu lei, zai pa ne a gu tewka’nringbe bangpui chang bei daseu,” achenzeu.

³Tewka’nringbe dekuaki ramme gene heduiyibe gene ningnui hedui tuak ku lei.

⁴Chipau mai dezai ningnui ne acheu gu lei: “Tingwang dage hesuiyibe sam pau gai lau, Pe ji ge kû lau; heramzatme ramme ruage pe tatew tak ramme chî ra tewlia gai lau, pe ji a toa’ndi gai ’nde lei be ze pau gai lau.

⁵“Tingwang je toabe leu ze tew gai lau, pa ne tâ pengêudi-desang ze tew gai bei daseu; kedeirei leine ge peize aize chî kam gai de lau.

⁶Mi suiyibe ziegene ’nrung ze leutew lau, Hei Zaion ge bamme gau, ningnui zuilung ge yi-desang ze bambe ze â, Israelme gu Hangkat Ka’nchipeu ze daseu,” acheu zeu.