Read Zeme Naga ISAIA 15 Bible Online

ISAIA 15 - Zeme Naga bible

ISAIA 15

¹Moab tedeu ge Hera ne mâ-rangliabe. Tingmuî kat gene Ar (namdi) tew’ngga’ndibe ziegene Moab â sia gai de lei; tingmuî kat gene Kir (namdi) tew’ngga’ndibe ziegene Moab â sia gai de lei.

²Dibon (namdi) na ’mpuimi â, pebâm kehube bâm ramme ge hapdesui gai ra hang di de lei; Nebo (namdi) benai Medeba (namdi) peireige Moab hap ze huai de lei. ’Nteumena peî gut ze ’nteumena biagêu chiap te lei;

³puidi ramme ge miseigiriapaî penui bâ de lei; heki’mpûm ramme ge benai keloa’ndi ramme ge ’nteumena ne penui duânggabe gene huai ze hemikdui biaru bam de lei,

⁴Heshbon benai Elealeh hap kai de lei, penai kuâ ze Jahaz riâ seuchang de lei; chipauziegene Moab ge herei gu ziemmena ramme ’nrungkeleupat te lei; pe lung kedun ze bam di de lei.

⁵Moab je a lung gene huîchu di de lei; pe gume ramme Zoar ge, zai Eglath-shelishiya ’mbe pak kai di de lei. Luhith ’mbe hangbe ge penui hap ze hang de lei; Horonaim tatbe ’mpuî ge penui ga ra hing ze ka’nrung de lei;

⁶Nimrim geuki dui ze ga kam gai di de lei; hereuneu ramme du lairui gai di de lei, karchibe buapat ta di de lei, ring’ndiaktaube ga gai di de lei.

⁷Chipauziegene penui pelâp misongga ngaulube benai penui ne kaigekuagailube ze pung lu Willo Geuki pungkapat te lei.

⁸Ka’nrungbe kuâ ze Moabram kehuatat ti de lei; kehuaibe kuâ ze Eglaim seuchang di de lei, kehuaibe kuâ ze Beer-elim seuchang di de lei.

⁹Dibon geuki dui ramme ze hejai ne pui di de lei; acheuleusede aipau peirei I ne Dibon peireige teiwang gai gu rei lei, Moabme pak’mbiapatme, heram ge ka’nsakme hangge duilui je I lang gai gu lei.