Read Zeme Naga ISAIA 21 Bible Online

ISAIA 21 - Zeme Naga bible

ISAIA 21

¹Sungkling gu hênamram tedeu ge mâ-rangliabe. Negeb ge heratingkai gui’nrui bambe ze, tingkangram gene, mi kehingberam gene wang de lei.

²Mâ-teiliasinggaibe achu salia de lei; sut-teuruapeu ne sutteube, zai mâ-tewka’nsiapeu ne mâ-tewka’nsiabe zeu. Hang zu lau, Hei Elam gau, tuaguâ ’ndu lau, Hei Media gau; pa pe lunghereu ze bambe leine I ne tew’nsau gai gu lei.

³Chipauziegene a pum ge hereu ze bamdaulakbe ne pui di de lei; ’mpuimi henalung ra ’nraka’nsua gum ze a dage geteube ne pui di de lei; I seuchi lak ti dege I keikeu gai de lei, I hing-desang di ze I seuchi ta di de lei.

⁴A lung lam hang peuchi ta di de lei, kehingbe zene achu ruichim ’ndi de lei; I ne hegî muîramwang ra luneibe ze a hangge kedunrabe hang chang gai di de lei.

⁵Penui mâ-teu ra teleu gai de lei, penui jeîsing kâm gai de lei, penui teu ze sak te lei. Chu le lau, Hei heguangsinme ramme gau, hinggei chui’nniksik kai le lau!

⁶Tingwang ne achu aigum ze rang lei: “Tat chu lau, hekêtkaime ze kai du lau, peize pa ne kengaube ze rangba gai du lau.

⁷Hekuntimriang ramme ge hekunteime hangna-na bambe, hekunmerângne ramme chingchuame, put-hu ramme chingchuame je pa ne ngaube luage peize pechu piezun pie le lau,” ze acheu zeu.

⁸Chidadege â kengaupeu zene ’nrung ze: “Hei heguang gau, patingnaigepat I ne hekêtkaibe-ra ge sapbam de lei, zai I bambe bâm ’nchui ge I bamtingba-ba de lei.

⁹Zai, pie le lau, hekunchingchuame hereikangme hangna-na ze aige wang la de lei!” kacheu de lei. Dadege pa ne kak ze, “Babilon â kau de lei, kau de lei; zai pe gu heramiê ramme pelane pa ne kedei ge tewkeu gai bei ze desuirui di de lei,” ze kacheu de lei.

¹⁰Hei ningnui a gume chaigesipbeime benai tingkai kelapkaibeime gau, baudime gu Tingwang Israelme Rapeu dagene I seube ze, I ningnui dage rang gai de lei.

¹¹Duma tedeu ge mâ-rangliabe. Seir gene hangkat ne achu kû ze, “Hekêtkaipeu gau, kemuîbe ting ’ndaigumbe riâ tat ti de lau? Hekêtkaipeu gau, kemuîbe ting ’ndaigumbe riâ tat ti de lau?” kacheu de lei.

¹²Hekêtkaipeu ne sa ze: “Hechua bapat, zai muîkeu dai ze bam lei. Ningnui ne kemêt ze kemêt, kemêt ze kemêt ra zai â, wang dai wang dai bam lau,” kacheu de lei.

¹³Arabia tedeu ge mâ-rangliabe. Arabia ’nrêutum ge ningnui kâujei ra lei, Hei Dedan ge bamme heramyibe peuruame gau.

¹⁴(Hedui) kahereime dage hedui teiwang gai lau, pe ki pe ram game je tingku ne suidau lau, Hei Temaram ge kelungme gau.

¹⁵Penui â, hiazutkie tukpatkaikuasûnlube hiazutkie ramme gene, bai’mpi reugai-kuasûnlube bai’mpi ramme gene, zai hereima-madi bambe gene paktat kam de lei.

¹⁶Aigum ze Tingwang ne achu acheu ze, “Hiteume ne mâ-riambe gumbe gene, kum kat lung gene kedar ngeudibe leine ze tud kai du lei;

¹⁷zai ziemmena penui ranchime, bai’mpi kapchime, kedar name ramme gechâm gai du lei; Tingwang Israelme Rapeu ne rang lei,” ze salia lei.