Read Zeme Naga LEBITIKAS 3 Bible Online

LEBITIKAS 3 - Zeme Naga bible

LEBITIKAS 3

¹“Mihangkat gu mâ-kelapeipatbe ze desieyibe kapelingbe gu herâtewbe dizai â pa ne kauruidung ruagene kat besei mei nune bepui mei pei dizai â heziâkgabe zene Tingwang masuage pa peipat kai ra lei.

²Zai kaurui pa peipatbe peî ge pe ba die gai ra zai ka’nduibe hetiampaîki kemuiki ge chize tewchat kai ra lei; zai Aaronbe name tingkume ne herâtewbe-kaira ge hejai kezin-guâ gai ra lei.

³Zai Tingwang dage hemi gene mâ-kela peipatkaibe gumbe gene desieyibe kela peipatbe gu herâtewbe ge pelunglet ge paterai nupgit bambe benai pelunglet ge paterai bambe leine pa peipat kai ra lei,

⁴zai chi bekia ge pa’ngkei ge paterai bambe benai pa’ngkei kena lutua’mpamrabe pa’ngkei ge paterai bambe ze du peipat kai ra lei.

⁵Chidezai Aaronbe name ne hemi peireige heching bambe ge rûkambe-râtewbe gu herâtewbe-kaira ge chize rû gai ra lei. Chize Tingwang dage mâ-perîmyibe hemi gene peipatkaibe kela de lei.

⁶“Tingwang dage desieyibe kela peipatbe gu herâtewbe hang pe gu peipatbe ze melidung gene besei mei nune bepui mei ze peipatbe dizai â heziâkgabe zat zene peipat ra lei.

⁷Melipoine zene pe gu kela peipatbe hangge pa peipat zai â Tingwang masuage pa chize peipat kai ra lei,

⁸kaurui peî ge pe ba diegailube luî gene ka’nduibe hetiampaîki suagene tewchat kai zeu; zai Aaronbe name ne herâtewbe-kaira ge hejai ruîguâ gai ra lei.

⁹Chidezai desieyibe kela peipatbe gu herâtewbe gene Tingwang dage hemi gene peipatkaibe chang ze melipoine châ, pemibei gu pechâ pelane, pengumpuira riâ luchang ze lupatkailube zai paterai ramme ge pechârâ ka’nnaibe benai pechâ bambe pa peipat ra lei,

¹⁰zai bekia ge pa’ngkei kena ge pechânûp ramme bambe zai pa’ncheî gu paterai ramme pa’ngkei pa lu’mpampatrabe zeu.

¹¹Zai chize tingkupeu ne herâtewbe-kaira ge rû gai ra lei, Tingwang dage hemi gene hetak peipatbe chang zeu.

¹²“Pe gu kela peipatbe ze kemei ne pei dizai â chize Tingwang masuage pa peipat kai ra lei,

¹³zai pe peî ge pe ba die gai lu ze ka’nduibe hetiampaîki suagene tewchat kai ra lei; zai Aaronbe name ne herâtewbe-kaira ge hejai ne ruîguâ gai ra lei.

¹⁴Chidezai chigene Tingwang dage hemi gene mâ-kela peipatbe hangge pe gu kela peipatbe gum ze pa peipat kai ra lei, perai ramme ge pechânûp ramme, zai perai ramme ge pechâ bambe,

¹⁵zai pe kia ge pa’ngkei kena ge pechâ bambe zai pa’ncheî gu paterai bambe ze pa’ngkei kena lupatbe ge pa ne lupat ’mpamrabe zeu.

¹⁶Zai chiramme ze tingkupeu ne herâtewbe bâm ge rû gai ra lei, chize mâ-perîmyibe hangge hemi gene kela peipatbe hetak chang zeu. Pechâ ramme leine â Tingwang gu lei.

¹⁷Ningnui chaname ting ningnui lunggaibe bâm leine ge pechâ mei nu hejai mei ze teu mak ra lei be ze betingbeta hangge hingde de lei,” kacheu de lei.