Read Zeme Naga JEREMIA 45 Bible Online

JEREMIA 45 - Zeme Naga bible

JEREMIA 45

¹Juda gu heguang, Josiabe na Jehoiakimbe gu pamedaibe kum ge, Jeremiabe ne sagaibeibe gene leisikuak ge aipau sam ramme pa rawgaibe luage Neriabe na Barukbe dage kemeu’mpeu Jeremiabe gu sam sa lei:

²“Aigum ze Tingwang Israelme Rapeu ne ningchu rang lei, Hei Barukbe gau:

³Nang ne, ‘A duângga de lei, Tingwang ne I kahereube ge mi suikahereube kaisî gai bei de lei; I a ran-ga ze huaipun tai de lei, zai I saukatemibe ngau mak lei,’ ze kacheu de lei.

⁴Aigum ze nang pechu salia ra lei, Aigum ze Tingwang ne rang lei zeu: Pie le lau, I ne teichugaibe I ne tewkau lei, zai I ne taugaibe I ne tuktuâ lei—chize â heram pelane ze de lei.

⁵Zai ning hangge mâ-kedibe peu mei? Chiramme ze peu se lau; pie le lau ziemmena leine peireige mâ-kesiabe I teiwang mui de lei, ze Tingwang ne rang lei; kane ningchu â hereichâ zat gum ze nang tatkairabe bâm leine ge bam ra I ne ’nzuak kai bu lei,” acheu zeu.