Read Zeme Naga JEREMIA 47 Bible Online

JEREMIA 47 - Zeme Naga bible

JEREMIA 47

¹Pharaobe ne Gaza je tew’nsiagairabe suage Philistinme deu ge Tingwang gu sam kemeu’mpeu Jeremiabe dage wangbe:

²“Aigum ze Tingwang ne rang lei: Pie le lau, tingpeî ’mbia ne hedui chu mui de lei, zai heduinaîbe ’nggeuki chang gu lei; heram benai pelung ge puigitbe leine naî kam ’ndu lei, namdi benai chige lungme leine jeu. Ziemmename ramme ’nrung gu lei, zai heram ge lungme leine hap’nrung gu lei.

³Pe gu hekunsei ramme pakbe pî kuâ ne, pe gu hekuntimriang ramme pakhimbe kuâ ne, bepîgua ramme ka’ngkuabe kuâ ne, penui peume penui name je ’nreipie mak lei, penui ba ran-ga-desang di de lei,

⁴Philistinme je tew’nggakam’nderabe, zai Tira benai Sidon gene ka’ngngâme bamkuame leine je tew’ngga’nderabe tingnaimikpui wangchangbe ziegeneu. Tingwang ne Philistinme, Kaptor sungkling kung ge ’nsakpatme je tew’ngga gu daseu.

⁵Gaza peireige kadesuibe wangchang de lei, Ashkelon â ’ngga kam de lei. Hei Anakim gu ’nsakpatme gau, ’ndaitie ge ning runne ningchu getjâm bam ra lau?

⁶Hei, Tingwang gu hiazutkie lei! ’Ndaitie riâ nang sauzîng bam di lau? Ning runne ningchup ge gut kai lu sauzîng de zu lau!

⁷’Ndaigum ze chize sauzîng bamchi ra lau, Tingwang ne tâtew ra langgaibe luage zeu? Ashkelon benai sungkling kung ge bamme je pa ne ’nggi ra sum gai de lei,” ze kacheu de lei.