Read Zeme Naga EZEKIEL 35 Bible Online

EZEKIEL 35 - Zeme Naga bible

EZEKIEL 35

¹Zai Tingwang gu sam a dage wang de lei, acheu sa ze,

²“Ziemmena na gau, Seir Loa ’mbe ning ju ’nsua lu pe peireige sam pau’ntua gai lau;

³zai pechu, Tingwang Hera ne acheu ze rang lei: Pie le lau, Hei Seir Loa gau, ningchu I ka’nggi lei, ning peireige a ba huachu gai gu lei, nang ning duângga ze hing-desang bam ra tew gai gu lei.

⁴Ning gu namdi ramme ze gua’mpiezîng gai gu lei, dezai I ze Tingwang lei be nang chî gu lei.

⁵Nang â Israelbe teureipeu chang ze bam, zai penui peireige kesiabe ’nnangwangbe benai gesâbe nâlangbe luage Israelme je hiazutkie gu rezie ge peipatkaibe ziegeneu.

⁶Chidadege I ringbe ziegene, ze Tingwang Hera ne kacheu de lei, ning chu â hejai hangge I ne teleu gai ’ndu de lei, hejai ne ningchu gua’nsa gu lei; zai ning gu hejaitewpatbe mâu ziegene hejai ne ningchu gua’nsa gu lei.

⁷Seir Loa ze I ne gua’mpie gu lei, zai chige tatka’ngguakme je I ne deî’ngga ’ndu lei.

⁸Ning gu kedeiloa kedibe ge kechaipum ramme ne I ne kaipui gai gu lei. Ning gu peloa ramme ge zai pebakchuak ge, zai ’nggeuchuak ge hiazutkie ne bichat’ndime tuâtiam ze bam gu lei.

⁹Ning gu namdi ramme ge nang lung dai ra mak lei, I ne gua’mpiezîng ’ndu lei, chidezai I ze Tingwang lei be ningnui chî gu lei.

¹⁰“Chige Tingwang bam leusedu, nang ne sa ze, ‘Aipau ramdei kena, zai heram kena ze a gu lei, anui ne airamme ze ’nram lu ze lung gu lei,’ ze kacheube ziegeneu.

¹¹Chidaze I ringbe ziegene, ze Tingwang ne sa ze, nang ning lumpumbe benai hemimeube teiliabe luigum ze penui je nang ngaugailakbe ziegene ning peireige I ne tâtew gai gu lei, kacheu de lei. Ningchu I ne samram gai dezai penui ruage peize achu chî ra a runne I tewlia gu lei.

¹²‘Sâuhammuî ze la de lei, penui je anui dage pei gai ze la de lei,’ acheu ze Israelme gu kedeiloa dibe ramme peireige nang sa’nsiagaibe leine Tingwang ne chî kam lei be nang chî gu lei.

¹³A peireige ningnui ne kedikuâ-kua, zai a peireige misongga sagaibe I chî kam lei.

¹⁴Tingwang Hera ne acheu ze rang lei, kedeirei leine ge hesuiyi’nta ze bam ra ningchu I ne sâuhammuî gai gu lei.

¹⁵Israelbe kiduîme gu heram put-hâmmuîgai’ndibe ge nang ne ning suiyibe ze ning peireige du chigumbe wangchang ra I ne tew gai gu lei; Seir Loa gau, zai Edom leine zai chige kebambe leine gau, ningchu putzînggaibe chang gu lei, chidezai I Tingwang lei be penui chî gu lei.