Read Zeme Naga JONA 2 Bible Online

JONA 2 - Zeme Naga bible

JONA 2

¹Dadege chi hekâ bungpui lung gene Jonabe ne Tingwang pe Rapeu dage acheu ze kakellum de lei,

²“I a duânggabe gene Tingwang je kû de lei. Zai pa ne achu kak kai bei de lei; Kechaiberam sîng gene I ’nrung gai bei ze nang ne a kuâ seutâu gai bei de lei.

³Nang ne kechukbe ge achu tuâ gai ’ndi daseu, sungkling sîng gezeu. Zai heduinaîbe ne achu ’nzuiguâ ’ndi de lei; ning gu hedui kagesuâkbe ramme benai hedui biakwangbe ramme ne achu luachim ’ndi de lei.

⁴Dadege I ne, ‘Ning masua gene achu tuâpat kai bei de lei; ’ndaigum ze ning gu kellumki ka’nchibe I ne piedaichi ra lau?’ ze kacheu de lei.

⁵A peireige hedui ne naîting ’ndi de lei, zai kechukbe ne achu bamguâ ’ndi de lei; hereubang ramme ne a peireige ruichim ’ndi de lei.

⁶Kedeiloa ramme ma ramme gezeu. I â kêugut kai di ze kedei gu bechâp ramme zene betingbeta hangge achu chapnamting ’ndi de lei; acheuleusede chipau kuiki gene nang ne a keringbe ze lupat kai bei de lei, Hei Tingwang a Rapeu gau.

⁷A dage a keringbe pe jiesiakeudibe luage Tingwang je I ’nningdau de lei. Zai ning gu kellumki ka’nchibe ge ning dage I kakellumbe wangchang de lei.

⁸Peruânggabe heraluîtewbe ramme je helung peigaime â, penui lungsangtewbe gesang ze sâukeu gai ’ndi de lei.

⁹Kane I a suiyibe sam paugaibe kuâ ne ning dage herâtewbe pei gai gu lei; I deseugai’ndibe ze I pei gu lei. Tewka’nringbe tâ ze â Tingwang gu lei!” ze acheu daseu.

¹⁰Zai Tingwang ne chi hekâ je sam rang gai bei ze, hekâ ne Jonabe je depûloa ge ’nruîpat kai bei de lei.