Read Zeme Naga PERIAK 26 Bible Online

PERIAK 26 - Zeme Naga bible

PERIAK 26

¹Herarît wangbe chângge Tingwang ne Mosabe benai tingkupeu, Aaronbe na Eleazarbe je,

²“Israelram leine ge herei ge zuapatduime leine, penui peume kibautew ze kum ’ngkai gene pa’nrei kau leine Israelme baudime leine je hepiau raw-wang lau,” kacheu de lei.

³Zai Mosabe benai tingkupeu Eleazarbe ne Moab kâm Jordan geukung Jeriko gene sa ze,

⁴“Kum ’ngkai gene pa’nrei kau ziemmena gu hepiau raw-wang lau,” ze kacheu de lei, Mosabe je Tingwang ne samdiegaibe luigum zeu. Israelme Ijipram gene zuapatme ze â:

⁵Reubenbe, Israelbe na meraipeu; Reubenbe na rehangme ramme: Hanokbe dagene, Hanokbe kibaume; Pallube dagene, Pallume kibaume;

⁶Hezronbe dagene Hezronme kibaume; Karmibe dagene Karmime kibaume,

⁷Aime ze Reubenbe kibaume leine de lei; zai penui riak ze â chang hedai ze kechum ze haî sena ze himreu lei.

⁸Zai Pallube name ze, Eliabbe.

⁹Eliabbe name: Nemuelbe, Dathanbe, zai Abirambe. Aime ze Dathanme benai Abiramme, pebaume dagene kelângpatkaime, Korabe kiangna je ngua lu Tingwang je ka’nggibe luage Mosabe benai Aaronbe je ka’nggime bau,

¹⁰zai hemi ne ziemmena haî na ze rengeume je rûchat’ndibe luage zai kedei pe mui ’ngkakpatbe luage Korabe dage ngua’nzuagut-’mpamgai’ndime bau de lei, chige haimena chaidibe zeu.

¹¹Acheuleusede Korabe name â chai mak tai de lei.

¹²Simeonbe name penui peuna luî gene: Nemuelbe dagene, Nemuelme kibaume; Jaminbe dagene, Jaminme kibaume; Jakinbe dagene, Jakinme kibaume;

¹³Zerabe dagene, Zerame kibaume; Shaulbe dagene, Shaulme kibaume.

¹⁴Aime ze Simeonme kibaume de lei, chang ’ngkai ze kena ze haî na zeu.

¹⁵Gadbe name penui ki peuna luî gene: Zephonbe dagene, Zephonme kibaume; Haggibe dagene, Haggime kibaume; Shunibe dagene, Shunime kibaume;

¹⁶Oznibe dagene, Oznime kibaume; Eribe dagene, Erime kibaume;

¹⁷Arodbe dagene, Arodme kibaume; Arelibe dagene, Arelime kibaume;

¹⁸Aime ze Gadbe name kibaume de lei, penui riak chang hedai ze haî mengeu zeu.

¹⁹Judabe name â Erbe benai Onanbe lei; zai Erbe benai Onanbe â Kanaanram ge chai gai di de lei.

²⁰Zai penui kipeuna luigum ze Judabe name ze: Shelabe dagene, Shelame kibaume; Perezbe dagene, Perezme kibaume; Zerabe dagene, Zerame kibaume.

²¹Zai Perezbe name ze: Hezronbe dagene, Hezronme kibaume; Hamulbe dagene, Hamulme kibaume.

²²Aime ze Judabe kibaume de lei, penui riak ze chang riakseruk ze sena ze haî mengeu zeu.

²³Issakarbe name, penui ki peuna luigumbe gene: Tolabe dagene, Tolame kibaume; Pubabe dagene, Pubame kibaume;

²⁴Jashubbe dagene, Jashubme kibaume; Shimronbe dagene, Shimronme kibaume,

²⁵Aime ze Issakarbe kibaume de lei, penui riak ze, chang riakseruk ze medai ze haî chum zeu.

²⁶Zebulunbe name, penui ki peuna luigumbe gene: Seredbe dagene, Seredme kibaume; Elonbe dagene, Elonme kibaume; Jahlilbe dagene, Jahlilme kibaume.

²⁷Aime ze Zebulunme kibaume de lei, penui riak ze, chang riakseruk ze haî mengeu zeu.

²⁸Josepbe name, penui ki peuna luigumbe gene: Manassebe benai Ephraimbe.

²⁹Manassebe name; Makirbe dagene, Makirme kibaume; zai Makirbe â Gileadbe peu lei; Gileadbe dagene, Gileadme kibaume.

³⁰Aime ze Gileadbe name lei: Iezerme dagene, Iezerme kibaume; Helekbe dagene, Helekme kibaume;

³¹zai Asrielbe dagene, Asrielme kibaume; zai Shekembe dagene, Shekemme kibaume;

³²zai Shemidabe dagene, Shemidame kibaume; zai Hepherbe dagene, Hepherme kibaume.

³³Chunage Hepherbe na Zelophehadbe â pe na ’mpeumi ga lei, kane ’mpuimi runne lei: zai Zelophehadbe na ’mpuimi ramme â Mahlale, Noahle, Hoglale, Milkale zai Tirzale lei.

³⁴Aime ze Manassebe kibaume lei; zai penui riak ze â chang rengeu ze kena ze haî sena lei.

³⁵Aime ze penui ki peuna luigum ze Ephraimbe na ramme de lei: Shuthelabe dagene, Shuthelame kibaume; Bekerbe dagene, Bekerme kibaume; Tahanbe dagene, Tahanme kibaume.

³⁶Zai aime ze Shuthelabe na ramme lei: Eranbe dagene, Eranme kibaume.

³⁷Aime ze Ephraimbe name kibaume de lei, penui riak ze, chang himreu ze kena ze haî mengeu zeu. Aime ze penui ki peuname luigum ze Josepbe name kam de lei.

³⁸Benjaminbe na ramme, penui ki peuna luigumbe gene: Belabe dagene, Belame kibaume; Ashbelbe dagene, Ashbelme kibaume; Ahirambe dagene, Ahiramme kibaume;

³⁹Shephuphambe dagene, Shephuphamme kibaume; Huphambe dagene, Huphamme kibaume.

⁴⁰Zai Belabe na ramme â Ardbe benai Naamanbe lei. Ardbe dagene, Ardme kibaume; Naamanbe dagene, Naamanme kibaume.

⁴¹Aime ze penui ki peuna luigum ze Benjaminbe name lei; zai penui riak ze â chang hedai ze mengeu ze haî seruk lei.

⁴²Aime ze penui ki peuna luigum ze Danbe name de lei: Shuhambe dagene, Shuhamme kibaume. Aime ze penui ki peuname luigum ze Danbe kibaume de lei.

⁴³Shuhamme kibaume leine, penui riak luigum ze, chang riakseruk ze medai ze haî medai lei.

⁴⁴Penui ki peuna luigum ze Asherbe name: Imnabe dagene, Imname kibaume; Ishbibe dagene, Ishbime kibaume; Beriabe dagene, Beriame kibaume.

⁴⁵Beriabe name dagene: Heberbe dagene, Heberme kibaume; Malkielbe dagene, Makiel kibaume.

⁴⁶Zai Asherbe na heleu’mpui ji â Serale lei.

⁴⁷Aime ze Asherbe name kibaume de lei, penui riak luigum ze chang rengeu ze kechum ze haî medai zeu.

⁴⁸Penui ki peuna luigum ze Naphtalibe name ze: Jahzilbe dagene, Jahzilme kibaume; Gunibe dagene, Gunime kibaume;

⁴⁹Jezerbe dagene, Jezerme kibaume; Shillembe dagene, Shillemme kibaume.

⁵⁰Penui ki peuna luigum ze aime ze Naphtalibe kibaume de lei; zai penui riak ze chang hedai ze megngeu ze haî medai lei.

⁵¹Aize Israelme bau gu hepeî riak te lei, lak seruk ze chang kat ze haî sena ze himreu zeu.

⁵²Tingwang ne Mosabe je rang ze:

⁵³“Aime dage heram ze penui ji riak luigum ze penui heurâ hang ’nzi gai ra lei.

⁵⁴Hezat kedime je nang heram kedibe pei ra lei, zai pezat cheime je nang heram cheibe pei ra lei; penui riak luigum ze pezat leine je penui heurâ hang pei ra lei.

⁵⁵Kane heram ze hedachakbe ne ’nzi ra lei; penui peume ji ramme luigum ze penui heram ’nram ra lei.

⁵⁶Penui gu heram ze kedime benai kecheime kakge hedachakpatlube luigum ze ’nzi ra lei,” ze kacheu de lei.

⁵⁷Aime je penui ki peuname luigum ze riamgailume Lebi kibau de lei: Gershonbe dagene, Gershonme kibaume; Kohathbe dagene, Kohathme kibaume; Meraribe dagene, Merarime kibaume.

⁵⁸Aime ze Lebibe kibaume de lei: Libnime kibaume, Hebronme kibaume, Mahlime kibaume, Korame kibaume de lei. Zai Kohathbe je Amrambe peu lei.

⁵⁹Amrambe nâu ji â Jokebedle, Lebibe na Lebibe dagene Ijip gene lungkeupui de lei; zai pa ne Amrambe dagene Aaronbe benai Mosabe zai penai kiduî’mpui Miriamle je lungkeu de lei.

⁶⁰Zai Aaronbe dagene Nadabbe, Abihube, Eleazarbe zai Ithamarbe je lungkeu de lei.

⁶¹Kane Nadabbe benai Abihube â Tingwang suage ’nchimakbe hemi peipatbe luagene chai di de lei.

⁶²Zai chime ze penui riak seigaibe ze, chang ’ngkai ze kechum lei, ’mpeumi kêu kat gene pa’nrei kau leine zeu; penui je â Israelme bau ruage riam gai mak lei. Israelme ruage â penui je â heram peigaimakbe ziegeneu.

⁶³Airamme ze Mosabe benai tingkupeu Eleazarbe, Moab kâm Jordan geukung Jeriko gene Israelme riak riampeu kena ne riamgaibe de lei.

⁶⁴Kane aime ruage â Mosabe benai tingkupeu Aaronbe Sinai ge hênamchangbe heram ge Israelme riak seime ne riam’mput-kaibe â ’ngga lei.

⁶⁵Tingwang ne penui je acheu rang gai ze, “Hênamchangberam ge penui chai gu lei,” ze kacheu de lei. Penui ruage hangkatte ’nsak kai mak lei, Jephunnebe na Kalebbe benai Nunbe na Joshuabe je runne zangnêu.