Read Zeme Naga PERIAK 29 Bible Online

PERIAK 29 - Zeme Naga bible

PERIAK 29

¹“Pasenabe kêu tingnaimikpui raîlangbe ge ka’nchibe ’ndui ningnui bam ra lei; ningnui tâ keritbe tew mak ra lei. Ningnui hangge chipau mai ze â hegeîluîkie ramme ’mmutrabe tingnaimikpui lei,

²zai Tingwang dage mâ-perîmyibe, rûkambe-râtewbe ningnui peipat ra lei: Getumseipoine kat, meli’nseipoine heziâkgabe kum kat kau sena peipat ra lei;

³zai dekuîmoîne taudui kebutlube du mâ-himlei-râtewbe, kemei’nsei kat hangge ephah kereu ge kena

⁴zai melipoine sena kat-kat hangge ephah kereu ge kat ra lei;

⁵ningnui hangge kelunbe-râtew ra hemui-râtewbe hangge kemei’nsei kat zeu;

⁶hekêu karchibe gu rûkambe-râtewbe, zai chipau gu mâ-himlei-râtewbe zai sau mak rûkambe-râtewbe tewbambe benai chipau gu mâ-himlei-râtewbe, zai penui gu sakbe-râtewbe je rang mak ze penui hangge hingde tewgaibe luigum ze, perîmyibe, hemi gene peipatbe kela Tingwang dage peipat ra lei.

⁷“Aipau pasenabe kêu hezie pakereube mai ge ningnui ka’nchibe ’ndui bam ra lei, zai ningnui runne ningnui je tewhereu gai ra lei; ningnui tâtew mak ra lei,

⁸kane rûkambe-râtewbe mâ-perîmyibe ze, Tingwang dage ningnui peipat kai ra lei: getumseipoine kat, kemei’nsei kat, kum kat kau meli’nsei sena; chiramme ze ningnui dage heziâkgabe chang ra lei;

⁹zai dekuî yibe taudui kebutlube penui gu mâ-himlei-râtewbe getumsei hangge ephah kat gu kereu ge kechum, kemei’nsei kat hangge kereu ge kena

¹⁰melipoine ramme sena kat-kat hangge ephah kereu ge kat ra lei:

¹¹zai kelunbe-râtewbe gu hemui-râtewbe du, zai sau mak rûkambe-râtewbe ze tewbambe benai chipau gu mâ-himlei-râtewbe, zai penui gu sakbe-râtewbe je rang mak ze hemui-râtewbe hang kemei’nsei kat zeu.

¹²“Pasenabe kêu gu hezie kereu ze mengeu mai ge ka’nchibe ’ndui ningnui bam ra lei; ningnui tâ keritbe tew mak ra lei, zai Tingwang dage hezie sena ningnui hengi ra lei;

¹³zai ningnui Tingwang dage perîmyibe hemi gene peipatbe, rûkambe-râtewbe, getumsei kereu ze kechum, kemei’nsei kena meli’nsei poine ramme kum kat kau kereu ze medai peipat ra lei; chiramme ze heziâkgabe kau chang ra lei,

¹⁴zai dekuîmoîne yibe taudui kebutlube penui gu mâ-himlei-râtewbe, getumsei kereu ze kechum kat-kat hangge ephah kat gu kereu ge kechum, kemei’nsei kena kat-kat hangge ephah kat gu kereu ge kena

¹⁵zai meli’nsei ramme kereu ze kechum, kat-kat hangge ephah kat gu kereu ge kat ra lei;

¹⁶zai sau mak ze rûkambe-râtewbe tewbambe, chipau gu mâ-himlei-râtewbe zai chipau gu sakbe-râtewbe je rang mak ze hemui-râtewbe hang kemei’nsei kat peipat ra lei.

¹⁷“Pakenabe mai ge getumseipoine kereu ze kena kemei’nsei kena meli’nsei ramme heziâkgabe kum kat kau kereu ze medai,

¹⁸hingdetewgaibe luigum ze periak pie ze mâ-himlei-râtewbe benai sakbe-râtewbe ramme ge getumsei ramme, kemei’nsei ramme, zai melipoine ramme;

¹⁹zai sau mak rûkambe-râtewbe ze tewbambe benai chipau gu mâ-himlei-râtewbe du, zai penui gu sakbe-râtewbe je rang mak ze hemui-râtewbe hangge kemei’nsei kat peipat ra lei.

²⁰“Pakechumbe mai ge getumsei kereu ze kat, kemei’nsei kena meli’nsei ramme heziâkgabe kum kat kau kereu ze medai,

²¹hingde tewgaibe luigum ze periak pie ze mâ-himlei-râtewbe benai sakbe-râtewbe ramme ge getumsei ramme, kemei’nsei ramme, meli’nseipoine ramme peipat ra lei,

²²zai sau mak rûkambe-râtewbe tewbambe benai chipau gu mâ-himlei-râtewbe du zai chipau gu sakbe-râtewbe je rang mak ze hemui-râtewbe hangge kemei’nsei kat peipat ra lei.

²³“Pamedaibe mai ge getumsei kereu, kemei’nsei kena meli’nsei ramme heziâkgabe kum kat kau kereu ze medai,

²⁴hingde tewgaibe luigum ze periak pie ze mâ-himlei-râtewbe benai sakbe-râtewbe ramme ge getumsei ramme, kemei’nsei ramme, zai melipoine ramme pei ra lei;

²⁵zai sau mak rûkambe-râtewbe tewbambe, chipau gu mâ-himlei-râtewbe du zai chipau gu sakbe-râtewbe je rang mak ze hemui-râtewbe hang kemei’nsei kat peipat ra lei.

²⁶“Pamengeube mai ge getumsei sekui, kemei’nsei kena meli’nsei ramme heziâkgabe kum kat kau kereu ze medai,

²⁷hingde tewgaibe luigum ze periak pie ze mâ-himlei-râtewbe ge benai sakbe-râtewbe ramme ge getumsei ramme, kemei’nsei ramme, zai melipoine ramme peipat kai ra lei;

²⁸Zai sau mak rûkambe-râtewbe tewbambe ramme benai chipau gu mâ-himlei-râtewbe ramme du zai chipau gu sakbe-râtewbe ramme je rang mak ze hemui-râtewbe hangge kemei’nsei kat peipat ra lei.

²⁹“Paserukbe mai ge getumsei desat, kemei’nsei kena meli’nsei ramme kum kat kau heziâkgabe kereu ze medai,

³⁰hingde tewgaibe luigum ze periak pie ze mâ-himlei-râtewbe benai sakbe-râtewbe ge getumsei ramme, kemei’nsei ramme, zai meli’nseipoine ramme, peipat’mpam gai ra lei;

³¹zai sau mak rûkambe-râtewbe tewbambe, chipau gu mâ-himlei-râtewbe, zai chipau gu sakbe-râtewbe ramme je rang mak ze hemui-râtewbe hang kemei’nsei kat pei gai ra lei.

³²“Pasenabe mai ge getumsei sena, kemei’nsei kena, meli’nsei ramme heziâkgabe kum kat kau kereu ze medai,

³³hingde tewgaibe luigum ze periak pie ze mâ-himlei-râtewbe benai sakbe-râtewbe ramme ge getumsei ramme, kemei’nsei ramme, zai melipoine ramme peipat ra lei.

³⁴Zai sau mak rûkambe-râtewbe tewbambe, chipau gu mâ-himlei-râtewbe, zai chipau gu sakbe-râtewbe je rang mak ze hemui-râtewbe hangge kemei’nsei kat peipat kai ra lei.

³⁵“Padesatbe mai ge ningnui ’nsimrim ze pengêudibe ’ndui bam ra lei: tâ keritbe ningnui tew mak ra lei,

³⁶kane Tingwang dage mâ-perîmyibe hemi gene peipatbe, rûkambe-râtewbe peipat ra lei: getumsei kat, kemei’nsei kat, meli’nsei ramme

³⁷zai hingde tewgaibe luigum ze periak pie ze mâ-himlei-râtewbe benai sakbe-râtewbe ramme ge getumsei, kemei’nsei, zai meli’nseipoine ramme peipat ra lei;

³⁸zai sau mak rûkambe-râtewbe tewbambe zai pe gu mâ-himlei-râtewbe zai sakbe-râtewbe je rang mak ze hemui-râtewbe hangge kemei’nsei kat peipat ra lei.

³⁹“Airamme ningnui ne hatkailube peipatbe ramme benai misuiyibe kela peipatbe ramme peireige du ningnui ne riagailube kahengîbe ramme ge Tingwang dage, ningnui gu rûkambe-râtewbe, zai mâ-himlei-râtewbe benai sakbe-râtewbe, zai desieyibe-râtewbe peipat ra lei,” ze kacheu de lei.

⁴⁰Zai Tingwang ne Mosabe dage samdiegaibeibe luigum ze mâgetaleine Israelme bau dage Mosabe ne ranglia gai de lei.