Read Zeme Naga PERIAK 33 Bible Online

PERIAK 33 - Zeme Naga bible

PERIAK 33

¹Airamme ze Israelme bau Ijip gene penui kiduîme je ngua lu ze Mosabe benai Aaronbe ne kanguabe kang gene zuapatbe ting ge tatkaibe bâm ramme de lei.

²Mosabe ne penui tatchu-chube bâm ramme raw gai de lei, Tingwang ne die gai bei zeu; zai airamme ze penui tatchube benai saugaibe bâm tak ramme de lei.

³Railangbe kêu penui Ramese gene zuachu de lei, raîlangbe kêu gu hezie kereu ze mengeu mai ge zeu; tatkabe-ngi chipau chai mai ge Ijipme mikngau gene Israelme bau pengêuditau ze zuapat te lei,

⁴Ijipme, Tingwang ne penui ruage lakkaugaibeime, penui na meraibe ramme je baibe luage zeu; penui gu hera ramme peireige du Tingwang ne samram gai bei de lei.

⁵Dadege Israelme bau Ramese gene zuapat ti de lei, zai Sukkoth ge lunglêu gai de lei.

⁶Zai penui Sukkoth gene tatchu dai ze Etham ge lunglêu gai de lei, hênamchangbe heram’nrai ge bambe bâm gezeu.

⁷Zai penui Etham gene zuachu dai ze Pi-ha-hiroth ’mbe tatzuawang kadai de lei, Baal-zephon gene tingnaimikpat ’mbia ge bambe bâm gezeu; zai Migdol sua sing ge penui lunglêu gai de lei.

⁸Zai penui Hahiroth suagene zuachu ze sungkling zuilung kapat ze hênamchangbe heram chang de lei, zai Etham gu hênamchangbe heram ge penui hezie kechumne-beîtew gai de lei, zai Marah ge lunglêu gai de lei.

⁹Zai penui Marah gene zuapat dai ze Elim ge wang de lei; Elim ge hedui depin kereu ze kena zai mêupi bang riaksena bam lei, zai penui chige lunglêu gai de lei.

¹⁰Zai penui Elim gene zuapat dai ze Kegiebe Sungkling kung ge lunglêu gai de lei.

¹¹Zai penui Kegiebe Sungkling gene zuapat dai ze Sin gu hênamchangbe heram ge lunglêu gai de lei.

¹²Zai penui Sin gu hênamchangbe heram gene zuapat dai ze Dophka ge lunglêu gai de lei.

¹³Zai penui Dophka gene zuapat dai ze Alush ge lunglêu gai de lei.

¹⁴Zai penui Alush gene zuapat dai ze ziemmena hangge hedui sak ra ngaumakbe bâm, Rephidim ge lunglêu gai de lei.

¹⁵Zai penui Rephidim gene zuapat dai ze Sinai gu hênamchangbe heram ge lunglêu gai de lei.

¹⁶Zai penui Sinai gu hênamchangbe heram gene zuapat dai ze Kibroth-hattaaba ge lunglêu gai de lei.

¹⁷Zai penui Kibroth-hattaaba gene zuapat dai ze Hazeroth ge lunglêu gai de lei.

¹⁸Zai penui Hazeroth gene zuapat dai ze Rithma ge lunglêu gai gai de lei.

¹⁹Zai penui Rithma gene zuapat dai ze Rimmon-perez ge lunglêu gai de lei.

²⁰Zai penui Rimmon-perez gene zuapat dai ze Libna ge lunglêu gai de lei.

²¹Zai penui Libna gene zuapat dai ze Rissa ge lunglêu gai de lei.

²²Zai penui Rissa gene zuapat dai ze Kehelatha ge lunglêu gai de lei.

²³Zai penui Kehelatha gene zuapat dai ze Shepher ge lunglêu gai de lei.

²⁴Zai penui Shepher Loa gene zuapat dai ze Harada ge lunglêu gai de lei.

²⁵Zai penui Harada gene zuapat dai ze Makheloth ge lunglêu gai de lei.

²⁶Zai penui Makheloth gene zuapat dai ze Tahath ge lunglêu gai de lei.

²⁷Zai penui Tahath gene zuapat dai ze Tera ge lunglêu gai de lei.

²⁸Zai penui Tera gene zuapat dai ze Mithka ge lunglêu gai de lei.

²⁹Zai penui Mithkah gene zuapat dai ze Hasmona ge lunglêu gai de lei.

³⁰Zai penui Hasmona gene zuapat dai ze Moseroth ge lunglêu gai de lei.

³¹Zai penui Moseroth gene zuapat dai ze Bene-jaakan ge lunglêu gai de lei.

³²Zai penui Bene-jaakan gene zuapat dai ze Hor-haggidgad ge lunglêu gai de lei.

³³Zai penui Hor-haggidgad gene zuapat dai ze Jotbatha ge lunglêu gai de lei.

³⁴Zai penui Jotbatha gene zuapat dai ze Abrona ge lunglêu gai de lei.

³⁵Zai penui Abrona gene zuapat dai ze Ezion-geber ge lunglêu gai de lei.

³⁶Zai penui Ezion-geber gene zuapat dai ze Zin gu hênamchangbe heram ge lunglêu gai de lei, (chize Kades lei).

³⁷Zai penui Kades gene zuapat dai ze Hor Loa ge lunglêu gai de lei, Edomram mik gezeu

³⁸Zai tingkupeu Aaronbe Hor Loa ’mbe chu lu ze, Tingwang gu samde gene chigene pa chai gai di de lei, Israelme bau Ijipram gene wangbe chang pahedaibe kum gu pamengeube kêu gu hezie raîlangbe mai gezeu.

³⁹Zai Aaronbe tingkum ze haî kat ze ’ngkai ze kechum lei, pa Hor Loa gene chaigaibe ting zeu.

⁴⁰Kanaan’mpeu, Aradme gu heguang Kanaanram ge Negeb ge lungpeu ne Israelme bau wangbe rasam seuchang di de lei.

⁴¹Dadege penui Hor Loa gene zuapat dai ze Zalmona ge lunglêu gai de lei.

⁴²Zai penui Zalmona gene zuapat dai ze Punon ge lunglêu gai de lei.

⁴³Zai penui Punon gene zuapat dai ze Oboth ge lunglêu gai de lei.

⁴⁴Zai penui Oboth gene zuapat dai ze Moabme gu heramrai ge Iyeabarim ge lunglêu gai de lei.

⁴⁵Zai penui Iim gene zuapat dai ze Dibon-gad ge lunglêu gai de lei.

⁴⁶Zai penui Dibon-gad gene zuapat dai ze Almon-diblathaim ge lunglêu gai de lei.

⁴⁷Zai penui Almon-diblathaim gene zuapat dai ze Nebo suage Abarim gu kedeiloa ramme ge lunglêu gai de lei.

⁴⁸Zai penui Abarim gu kedeiloa ramme gene zuapat dai ze Jeriko ge Jordan taige Moab kâm ge lunglêu gai de lei;

⁴⁹penui Jordan taige Beth-jeshimot gene Abelshittim riâ chang ze Moab kâm ramme ge lunglêu gai de lei.

⁵⁰Jeriko gene tatka ze Jordan taige Moab kâm gene Tingwang ne Mosabe je,

⁵¹“Israelme bau dage rang gai lau, Ningnui Kanaanram ’mbe Jordan kapat dezai,

⁵²ningnui chipau heram ge lungme je ningnui suagene kumtua kam ne ra lei, zai penui gu tingchu ne mâ-luî gialube ramme, mâ-luîtewbe hekilube ramme tew’nsia kam ne ra lei, zai penui gu pebâm hube ramme leine tew’ngga kam ne ra lei;

⁵³zai ningnui ne heram ze sut lu ze chige lung ra lei, chi heram ze ’nram ra I ne ningnui je pei gai de lei.

⁵⁴Zai ningnui hedachakpatlube luî gene heram ze pe kiria pie ze ’nzi ra lei; pe kibau kieme hang pei’ndi ra zai chamme hangge pei’nchei ra lei; hedachak ze keugaigaibe ze pe gu chang ra lei;

⁵⁵kane ningnui ne chi heram ge lungme je ningnui suagene kumtua makchai â chi ningnui ’nsakkaime zene ningnui mik ge hetumui ramme gum bam gu zai ningnui hiage hetu ramme gum ze bam gu lei, zai ningnui lungbe heram ge penui ne ningnui je tewhereu gu lei.

⁵⁶Zai I ne ningnui je du penui je tew ra ka’nning gum ze tew gu lei,” ze kacheu de lei.