Read Zeme Naga PERIAK 7 Bible Online

PERIAK 7 - Zeme Naga bible

PERIAK 7

¹Mosabe ne kakellumbe-paîki tew’nsap kam gai lu ze, chize ’nnuk kai ze merua ramme leine tew’nchi gai ze, zai herâtewbe-kaira benai chige teibe kerua ramme leine ’nnuk kai ze ’nnam ze tew’nchigaibe mai dege,

²Israelme je kanguame besuitewme ramme, penui ki peuname ruage besuitewme ramme, hezat ramme ge ka’ngguame besuitewme ramme, penui ne seipatkai’ndime peireige besuitewme ramme ne

³mâ-kela peipatbe ze penui gu kela peipatbe ramme, timriang seruk puigitbe benai getumsei kereu ze kena kanguame hangna-na hangge timriang kat-kat zai hangkat hang getumsei kat-kat ze Tingwang suage teiwang gai de lei; chiramme kakellumbe-paîki suage penui peipat kai de lei.

⁴Chigum ze Tingwang ne Mosabe je,

⁵“Airamme ze penui dagene lu le lau, ka’nduibe-paîki gu tâka’ngguabe ge chiramme zene teitatew le ra hangge zeu, zai chiramme ze Lebime pe gu-gu tâtew ra ka’nnangbe hangge penui je pei gai be lau,” ze kacheu de lei.

⁶Zai chigum timriang ramme benai getumsei ramme Mosabe ne lu lu ze Lebime je pei gai de lei.

⁷Timriang kena benai getumsei medai ze Gershonbe name je pa pei gai de lei, penui tatew ra ka’nnangbe luigum zeu;

⁸zai timriang medai benai getumsei desat ze Meraribe name je pa pei gai de lei, penui tâtew ra ka’nnangbe luigum zeu; tingkupeu Aaronbe na Ithamarbe kerangbe kangge neu.

⁹Kane Kohathbe name je â mâ de pa pei mak lei, penui je â ka’nchibe merua ramme penui keîtoa gene pua ra langgai’ndibe ziegeneu.

¹⁰Zai chize ’nnukkaibe mai ge herâtewbe-kaira tewka’nchibe hangge kanguame besuitewme ramme je kela ramme peipat kai de lei; zai kanguame besuitewme ramme ne penui gu kela ramme herâtewbe-kaira suage peipat kai de lei.

¹¹Zai Tingwang ne Mosabe je, “Herâtewbe-kaira tewka’nchibe hangge, kanguame besuitewme tingnaimikpui kat ge hangkat-kat ze, penui gu kela ramme peipat ra lei,” ze kacheu de lei.

¹²Raîlangbe mai ge pe gu kela peipatpeu ze Judabe kiria gene Amminadabbe na Nahshonbe ne de lei;

¹³zai pe gu kela peipatbe ze â perît shekel haî kat ze himreu kau gepûtkuak kat, perît shekel riaksena kau, gepût tebai’ntui kat, kakellumbeki gu shekel teibe sie luigum ze chibe kena ze dekuî yibe mâ-châdui ne zuklube puigit ze mâ-hîmra kela peipatbe hangge pei gai lei;

¹⁴gechâkkuak kat shekel kereu kau, mâ-perîmyibe ne puigitbe pei gai lei;

¹⁵getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei,

¹⁶hemui-râtewbe hangge meli’nsei kat pei gai lei,

¹⁷zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Amminadabbe na Nahshonbe ne kela peipatbe de lei.

¹⁸Pakenabe mai ge Zuarbe na Nethanelbe, Issakarbe kibau ge kanguapeu, ne kela ramme peipat te lei;

¹⁹pe gu kela hangge gepûtkuak kat pa peipat te lei, chize â perît shekel haî kat ze himreu lei, gepûtli kat perît shekel riaksena kau, kakellumbe bâm gu shekel teibe luigum ze chibe kena ge dekuî yibe taudui ne zuklube puigitbe mâ-hîmra kela peipatbe hangge pei gai lei;

²⁰gechâkkuak kat shekel kereu kau, mâ-perîmyibe ne puigitbe;

²¹zai getumseipoine kat, meli’nsei kat, meli’nsei kum kat kau kat, rûkambe-râtewbe hangge peipat kai lei;

²²kemei’nsei kat hemui-râtewbe hangge pei gai lei;

²³zai desieyibe-râtewbe ramme hangge getumsei kena, meli’nsei mengeu, kemei’nsei mengeu, zai meli’nsei kum kat kau mengeu pei gai lei. Aize Zuarbe na Nethanelbe ne kela peipatbe de lei.

²⁴Pakechumbe mai ge Helonbe na Eliabbe, Zebulun name je kanguapeu:

²⁵pe gu kela peipatbe ze â gepûtkuak kat, chize â perît shekel haî kat ze himreu, gepûtli kat perît shekel riaksena kau, kakellumbeki gu shekel teibe sie luigum ze, chibe kena ge dekuî yibe taudui ne zukpuigitlube ze mâ-hîmra kela peipatbe hangge pei gai lei;

²⁶gechâkkuak kat, shekel kereu kau, mâ-perîmyibe ne puigitbe,

²⁷getumseipoine kat, meli’nsei kat, meli’nseipoine kum kat kau kat, rûkambe-râtewbe hangge peipat kai lei.

²⁸Kemei’nsei kat hemui-râtewbe hangge pei gai lei;

²⁹zai desieyibe-râtewbe hangge, getumsei kena meli’nsei mengeu, kemei’nsei mengeu, zai meli’nsei kum kat kau mengeu ze pei lei. Aize Helonbe na Eliabbe ne kela paipatbe de lei.

³⁰Pamedaibe mai ge Shedeurbe na Elizurbe, Reubenbe name je kanguapeu:

³¹pe gu kela peipatbe ze â gepûtkuak kat, chize perît shekel haî kat ze himreu, gepûtli kat, perît shekel riaksena kau, kakellumbe bâm ge shekel teibe sie luigum ze aibe kena ge dekuî yibe taudui ne zuklube puigitbe ze mâ-hîmra kela peipatbe hang pei gai lei;

³²gechâkkuak kat perît shekel kereu kau, mâ-perîmyibe ne puigitbe;

³³getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

³⁴kemei’nsei kat hemui-râtewbe hangge pei gai lei;

³⁵zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Shedeurbe na Elizurbe ne kela peipatbe de lei.

³⁶Pamengeube mai ge Zurishaddaibe na Shelumi-elbe, Simeonbe chaname je kanguapeu:

³⁷pe gu kela peipatbe ze gepûtkuak kat, chize perît shekel haî kat ze himreu, gepûtli kat perît shekel riaksena kau, kakellumbe bâm ge shekel teibe sie luigum ze chibe kena ge dekuî yibe taudui ne zuklube puigitbe ze mâ-hîmra kela peipatbe hangge pei gai lei.

³⁸Gechâkkuak kat, shekel kereu kau, mâ-perîmyibe ne puigitbe;

³⁹getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

⁴⁰kemei’nsei kat hemui-râtewbe hangge pei gai lei;

⁴¹zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Zurishaddaibe na Shelumi-elbe ne kela peipatbe de lei.

⁴²Paserukbe mai ge Deuelbe na Eliasapbe, Gadbe chaname ze kanguapeu:

⁴³pe gu kela peipatbe ze â gechâkkuak kat, chize perît shekel haî kat ze himreu, gepûtli kat perît shekel riaksena kau, kakellumbe bâm ge teibe sie luigum ze chibe kena ge dekuî yibe taudui ne zuklube puigitbe ze mâ-hîmra kela peipatbe hangge pei gai lei;

⁴⁴gechâkkuak kat shekel kereu kau, mâ-perîmyibe puigitbe,

⁴⁵getumseipoine kat, meli’nsei kat, meli’nseipoine kum kat kau kat, rûkambe-râtewbe hangge pei gai lei;

⁴⁶kemei’nsei kat hemui-râtewbe hangge pei gai lei;

⁴⁷zai desieyibe-râtewbe hangge, getumsei kena meli’nsei mengeu, kemei’nsei mengeu, zai meli’nsei poine kum kat kau mengeu pei gai lei. Aize Deuelbe na Eliasapbe ne kela peipatbe de lei.

⁴⁸Pasenabe mai ge Ammihudbe na Eliashamabe, Ephraimbe chaname je kanguapeu:

⁴⁹pe gu kela peipatbe ze â gepûtkuak kat, chize perît shekel haî kat ze himreu, gepûtli kat, perît shekel riaksena kau, kakellumbe bâm ge teibe sie luigum ze chibe kena ze dekuî yibe taudui ne zuklube puigit ze mâ-hîmra kela peipatbe hangge pei gai lei;

⁵⁰gechâkkuak kat, shekel kereu kau, mâ-perîmyibe ne puigitbe,

⁵¹getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

⁵²kemei’nsei kat hemui-râtewbe hangge pei gai lei;

⁵³zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Ammihudbe na Elishamabe ne kela peipatbe de lei.

⁵⁴Padesatbe mai ge Pedahzurbe na Gamalielbe, Manassebe chaname je kanguapeu:

⁵⁵pe gu kela peipatbe ze â gepûtkuak kat, chize perît shekel haî kat ze himreu, gepûtli kat perît shekel riaksena kau, kakellumbe bâm ge teibe sie luigum ze, chibe kena ge dekuî yibe taudui ne zuklube puigit ze mâ-hîmra kela peipatbe hangge pei gai lei;

⁵⁶gechâkkuak kat, shekel kereu kau, mâ-perîmyibe ne puigit ze pei gai lei;

⁵⁷getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

⁵⁸kemei’nsei kat, hemui-râtewbe hang pei gai lei;

⁵⁹zai desieyibe-râtewbe hangge getumsei kena, meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Pedahzurbe na Gamalielbe ne kela peipatbe de lei.

⁶⁰Pasekuibe mai ge Gideonibe na Abidanbe, Benjaminbe chaname je kanguapeu:

⁶¹pe gu kela peipatbe ze â gepûtkuak kat, chize perît shekel haî kat ze himreu, gepûtli kat, perît shekel riaksena kau kakellumbe bâm ge teibe sie luigum ze chibe kena ge dekuî yibe taudui ne zuklube puigit ze mâ-hîmra kela peipatbe hangge pei gai lei;

⁶²gechâkkuak kat shekel kereu kau, mâ-perîmyibe ne puigitbe;

⁶³getumseipoine kat, meli’nsei kat, meli’nseipoine kum kat kau kat, rûkambe-râtewbe hangge pei gai lei;

⁶⁴kemei’nsei kat hemui-râtewbe hang pei gai lei;

⁶⁵zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Gideonibe na Abidanbe ne kela peipatbe de lei.

⁶⁶Pakereube mai ge Ammishaddaibe na Ahiezerbe, Danbe chaname je kanguapeu:

⁶⁷pe gu kela peipatbe ze â gepûtkuak kat, chize perît shekel haî kat ze himreu, gepûtli kat perît shekel riaksena kau, kakellumbe bâm ge teibe sie luigum ze chibe kena ge dekuî yibe taudui ne zuklube puigit ze mâ-hîmra kela peipatbe hangge pei gai lei;

⁶⁸gechâkkuak kat, shekel kereu kau, mâ-perîmyibe ne puigitbe pei gai lei;

⁶⁹getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

⁷⁰kemei’nsei kat hemui-râtewbe hangge pei gai lei;

⁷¹zai desieyibe-râtewbe hangge, getumsei kena, meli’nsei mengeu, kemei’nsei mengeu zai meli’nseipoine kum kat kau mengeu pei gai lei. Aize Ammishaddaibe na Ahiezerbe ne kela peipatbe de lei.

⁷²Pakereu ze katbe mai ge Okranbe na Pagielbe, Asherbe chaname je kanguapeu:

⁷³pe gu kela peipatbe ze â gepûtkuak kat, chize perît shekel haî kat ze himreu, gepûtli kat perît shekel riaksena kau, kakellumbe bâm ge teibe sie luigum ze chibe kena ge dekuî yibe taudui ne zuklube puigitbe ze mâ-hîmra kela peipatbe hangge pei gai lei;

⁷⁴gechâkkuak kat shekel kereu kau, mâ-perîmyibe ne puigitbe;

⁷⁵getumseipoine kat, meli’nsei kat, meli’nsei kum kat kau kat, rûkambe-râtewbe hangge pei gai lei;

⁷⁶kemei’nsei kat hemui-râtewbe hangge pei gai lei;

⁷⁷zai desieyibe-râtewbe hangge, getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Okranbe na Pagielbe ne kela peipatbe de lei.

⁷⁸Pakereu-ze-kenabe mai ge Enanbe na Ahirabe, Naphtalibe chaname je kanguapeu:

⁷⁹pe gu kela peipatbe ze â gepûtkuak kat, chize perît shekel haî kat ze himreu, gepûtli kat perît shekel riaksena kau kakellumbe bâm ge teibe sie luigum ze chibe kena ge dekuî yibe taudui ne zuklube puigitbe ze mâ-hîmra kela peipatbe hangge pei gai lei;

⁸⁰gechâkkuak kat shekel kereu kau, mâ-perîmyibe ne puigitbe;

⁸¹getumseipoine kat, meli’nsei kat, meli’nseipoine kum kat kau kat, rûkambe-râtewbe hangge pei gai lei;

⁸²kemei’nsei kat hemui-râtewbe hang pei gai lei;

⁸³zai desieyibe-râtewbe hangge getumsei kena meli’nsei mengeu, kemei’nsei mengeu, zai meli’nseipoine kum kat kau mengeu pei gai lei. Aize Enanbe na Ahirabe ne kela peipatbe de lei.

⁸⁴Israelme je kanguame ne herâtewbe-kaira hangge ’nnukkaibe mai ge, diepat’nchigaibe kela peipatbe aize lei: Gepûtkuak kereu ze kena, gepûtli kereu ze kena, gechâkkuak kereu ze kena,

⁸⁵gepûtkuak kat ge perît shekel riaksena lei, gepûtli leine perît shekel chang na ze haî medai lei, kakellumbe bâm gu shekel luigumbe geneu;

⁸⁶gechâkkuak kereu ze kena mâ-perîmyibe puigitbe, kuak kat ge perît shekel kereu, kakellumbe bâm gu shekel teibe sie luigumbe zeu, gechâkkuak leine perît shekel haî kat ze ’ngkai lei;

⁸⁷kaurui leine rûkambe-râtewbe hangge getumsei kereu ze kena meli’nsei kereu ze kena meli’nseipoine kum kat kau kereu ze kena benai penui gu mâ-hîmra kela peipatbe; zai kemei’nsei kereu ze kena hemui-râtewbe kela peipatbe hang;

⁸⁸zai kaurui leine desieyibe-râtewbe kela peipatbe hang getumsei ’ngkai ze medai, meli’nsei riakseruk, kemei’nsei riakseruk, meli’nsei kum kat kau riakseruk lei. ’Nnukkailube chângge herâtewbe-kaira ge diepat’nchigaibe kela peipatbe ai ze de lei.

⁸⁹Zai Tingwang je ’mpau ra hangge Mosabe ka’nduibe-paîki lungge gut dadege, hingdebung gu samdiegaibe peireige ka’nggiabe bâmra peirei gene pechu ka’mpaube kuâ pa seu de lei, kerubme kena kak geneu; zai chize ne pechu ka’mpau de lei.