Read Zeme Naga MALAKI 4 Bible Online

MALAKI 4 - Zeme Naga bible

MALAKI 4

¹“Chidaze pie le lau, chi naimikpui wangmie de lei, ’mmang ge hemi getaube gum zeu, chipau mai ge â gechîrettewme leine benai tâ-kesiabe tewme leine â, megau mui gum ze chang gai du de lei; pema benai bekeî ’nsangdu mâ de ’nsakpat mak ra chipau mai wangbe gezene chiramme rû kam ’ndu lei,” ze baudime gu Tingwang ne kacheu de lei.

²Kane ningnui a ji je hingchime hang â kapelingbe naimik pat ku lei, tewka’mmibe pe kan ge pung lu zeu. Getumpoine ramme je pe ki gene ’mpat kai bei ze ’nsakkedingpat gum ze penui zuapat ku lei.

³Kesiame je ningnui ne kutchim gu lei, I ne tâtewliagaibe mai dezai ningnui pî kangge penui â timbun gum ze chang gai du daseu, ze baudime gu Tingwang ne kacheu de lei.

⁴“A luntewpeu Mosabe gu hingde ze chî bam lau, Israelme leine hangge Horeb gene I ne pechu diegaibe hingdetewgaibe ramme benai rawdiakkaibe-hingde ramme zeu.

⁵“Pie le lau ni, Tingwang ngeudibe benai mi ngauhingbe naimikpui wangchangrabe suage kemeu’mpeu Elijabe je ningnui dage I lang gai gu lei.

⁶Dezaine pa ne bepeume lungtak ze penui name dage tei’nreiwang gai gu, zai penui name lung tak ze hêpeume dage tei’nreiwang gai gu lei, dezai I ne wang ze heram je deset kai ze tew’nsia gai mak ra hangge zeu,” kacheu de lei.