Read Zeme Naga 2 KORINTHME 1 Bible Online

2 KORINTHME 1 - Zeme Naga bible

2 KORINTHME 1

¹Paulbe Hera ’nning gene Krista Isua ge apostol changbe benai Timothibe anui puina’mpeu dagene Korinth ge Hera gu pe kiangna bamme, zai Akaia dei ge keneime ka’nchime bamme leine dage;

²Hera anui peu benai Heguang Isua Krista dagene desieyibe benai ka’nggiabe ningnui dage peize bam lau.

³Anui Wangpeu Isua Krista Rapeu zai Bepeu, kehungbe Bepeu zai mi duânggabe ge tumgaibe leine hang bambe Hera,

⁴anui hereulie ze bambe ge anui je helungtewtemigaipeu je peize toa bam lau, dezai kahereube lie ze bamme je anui ne helungtew-temigaichi le ra hangge zeu, chi Hera ne anui je helungtewtemigaibe tak zeneu.

⁵Krista kahereube ge anui ne misongga ze hereuliegaihâ ze bam gum ze Krista gezene helungtewtemigaibe du misongga anui ne ngau ze bam de lei.

⁶Anui je deîhereu dizaine â, chize ningnui helungtemirabe benai tewka’nringbe hanggene lei, zai anui je helungtewtemi gai bei dizai â chi anui ne kahereube liebe zat singbe ningnui hâu-hâune hereuliebe ge ningnui lung tewtemigairabe hanggene lei.

⁷Ningnui hang anui kaheguîbe ze â ’ngngîndaichi lak lei; anui hereuliebe ramme ge ningnui hereuliegaihâ ze bam gum ze anui je helungtewtemigaibe ze ningnui hangge du chang gu lei be anui chî daseu.

⁸Mi puiname gau, Asia ge anui ne hereulie ze bambe tak ze ningnui ne chîgaimeluisui bam ra hang â anui nei me de lei; chi ring ra du heguîtadibe, anui je sâ ze tew’ngguaipeniakkaibeibe zeu.

⁹Chaiderabe samramgaibe hang du anui â ’nningchang di de lei; kane chize â mi runne mi je ’nnumtew lu bam mak ze kane Hera, chaidime je kuakchugaipeu je ’nnum’mmi bam ra peibe chang de lei;

¹⁰pa ne anui je chai’nggagaiderabe gene lupat kai bei de lei; zai pa ne anui je lupat kai dai ze bam ra hangge pe peireige anui kaheguî de lei.

¹¹Ningnui du anui hangge kakellumbe gene ’ngngâ gai bam sing ra de lei, dezai misonggame ne kakellumbe kuâ geze kak kai bei ze ’nnamgaibe anui je peigaibeibe ziegene misonggame ne anui kelei ge penui suiyibe sam pau gai ze bam ra hangge zeu.

¹²Kedeirei ge anui kelungbe benai ’ngkeune ze ningnui dage anui ne puinakattew ze bambe ze â, ziemmena ningching ne mak ze kane Hera ka’nggiabe tâtewchibe gene chi Hera ne pe lungyibe benai pelingtewbe zene nguatâtewbeibe ziegene de lei be ze anui ka’nningbe gene chîtau’mmilube ze anui â mi ’nrîmyi ze bam lei.

¹³Ningnui dage anui mâ de raw gai me lei, kane ningnui ne kiâchirabe benai ’nningchirabe runne raw gai lei; gêsa ge â ningnui chîlube luigum ze,

¹⁴mâ-pelane ningnui chî’mmi le ra I kaheguî lei, chidezai Heguang Isua gu tingnaimikpui ge anui deu ge ningnui ne ’nninghegiêrabe luigum ze anui du ningnui deu ge ’nninghegiê gu lei.

¹⁵Aize chang sing gu lei be I chibe ziegene ningnui suiyibe dêt na bam le ra hang ningnui dage I wang gai raî nei de lei;

¹⁶Makedonia I tatbe luage, Makedonia gene helatwangkadaibe ge du ningnui dage I ’ngkia gai lu ze ningnui ne achu Judia ’mbe tat ra lang gai be ra I lunei de lei.

¹⁷I ne aipau tâ tewneibe luage ’ngnginsin bam bei semei? Kedeirei hemeipumsie ziemmena gum ze hekasûn lu, Eu lei acheu gai, zai Mak lei ze luakatne acheu gai ra ’nningkua ze bam semei?

¹⁸Hera dagene du chikâ la daze, ningnui dage anui gu sam ze, Eu lei be du mak zai Mak lei be du mak lei.

¹⁹Chi Silbanasbe zai Timothibe zai I anui ne ningnui ruage pauliapeu, Hera Na Isua Krista ze â, Eu lei be benai Mak lei be kau mak lei; kane pa â pehî’nsangne ge Eu lei be kau daseu.

²⁰Hera gu samhatkaibe leine ze pa ge penui gu Eu lei be ngau daseu. Chipauziegene pe dagene, Amen ze Hera pengêudibe hangge anui kacheu kam lei.

²¹Kane Krista gene ningnui dage anui je tew’ntip kai ze, zai rezietei ze tâtew ra sumgaibeipeu ze Hera ze de lei.

²²Pa ne pe gu ka’nchetbe ze anui peireige tau gai lu ze, pe gu Herui anui lungge kai bei de lei, pa hatkai’ndibe anui je pa peisingrabe hangge zeu.

²³Kane ningnui je tewhereugaimakrabe hanggene Korinth ge I wangrabe sau dai di de lei be Hera ne a peireige sakkitew gai ra I kû de lei.

²⁴Ningnui keneibe peireige anui ne misuitewbe mak lei; ningnui suiyirabe hang anui â ningnui dage tâtew lei, ningnui keneibe ge ningnui â ’ntiprip ze sap la daseu.