Read Zeme Naga 1 THESSALONIKAME 1 Bible Online

1 THESSALONIKAME 1 - Zeme Naga bible

1 THESSALONIKAME 1

¹Paulbe, Silbanasbe, zai Timothibe, Hera, Bepeu zai Heguang Isua Krista gene Thessalonika herakiangna dage: Ningnui dage desieyibe benai ka’nggiabe bam lau.

²Pehî’nsangne ge anui ne ningnui hangge Hera dage hesuiyibe sam pau gai bam de lei, anui kakellumbe ge ningnui je sataû gai ze,

³anui Rapeu zai Bepeu masuage ningnui gu keneibe gene tâtewbe zai kehungbe gene tâtewkahereube zai kaheguîbe ge ’ntiprip ze bambe ze anui Wang Isua Krista gene ’ngngaî mak chibambe geneu.

⁴Hera ne kehungme mi puiname gau, pa ne ningnui je kelâng gai bei de lei be anui ne chî lei,

⁵anui gu gospel ningnui dage wangbe ze sam sâng sam gene makse, kane tâtewchibe rezie gene zai Herui Ka’nchibe gene zai chî’mmisingbe gene du wangchang daseu. Ningnui hang ziegene ningnui ruage anui ze ’ndaigumbe kau ziemmena zat ramme chang ze bam mei be ningnui ne chî lei.

⁶Zai ningnui ne anui benai Heguangpeu helî kahelime chang di de lei, chi Herui Ka’nchibe ne ningnui lungge nguageteibeibe gene ningnui ze kahereube misongga liebe gene sam ze lutau dadegeu;

⁷chidaze ningnui zene Makedonia ge benai Akaia ge keneime bamme leine hangge keyibe teisabe zat hang chang di de lei.

⁸Makedonia benai Akaia ge ningnui dagene Heguangpeu gu sam kuâ ze zuapatbe runne makse, kane Hera ge ningnui keneibe bambe gene pebâm’nsangne ge chize zuapat ze bam di daseu, chidezai mâ de anui sa ra ’nnang ta ra hangge zeu.

⁹Ningnui ruage anui je ningnui ne ’nchâ ze ’ngguazunbeibe rasam,

¹⁰zai keringbe Hera, Hera gesang guâ ’nggua ra, zai tinggîm ’mbene pe Na, pa ne kechaibe gene kuakchugaibeipeu, Isua, Hera lumpum wang ra bambe gene anui je ripatpeu je kuâ ra heraluîtewbe ramme gene Hera dage ningnui ne ’nreiwangbeibe tak rasam ze penui zene anui dage pauchang daseu.