Read Zeme Naga 1 THESSALONIKAME 3 Bible Online

1 THESSALONIKAME 3 - Zeme Naga bible

1 THESSALONIKAME 3

¹Chidadege anui kuâlei di dege, anui je runne Athens ge sâudiak kai be ra anui nei di de lei,

²dadege anui puina’mpeu, zai Krista gu gospel ge Hera guâ ka’ngguapeu, Timothibe je ningnui gu keneibe-sie ge ningnui je tew’ntip kai ze ningnui je gecheu’nrak kai ra anui ne lang gai de lei,

³chidezai ai kahereube ramme liebe gene peize mî de ’ngngai me ra hangge zeu. Aize â anui pausît hang de lei be ningnui ne du chî de lei.

⁴Anui ningnui dage bambe ting ge anui â kahereube lie ra la lei be ningnui je anui ne rang’ntua gai bei dadegeu; ningnui ne chibe luigum ze chize wangchang ra changdibe luigum zeu.

⁵Aipau deu hanggene I kuâlielak ti dege ningnui dage keneibe bambe tak I ne chî le ra hangge pechu lang gai de lei, keduaipeu ne ningnui je duaizet kai bei ze anui gu tâtewhereugaibe ze ’ntakû gai de ra hingbe ziegeneu.

⁶Kane chuna â Timothibe ningnui dagene anui tailam wangchang lu ze ningnui dage keneibe kehungbe bambe rasam karchibe keyibe ze pa ne pungwang ze ningnui ne anui je pehî’nsangne ’nningdaubambe rasam benai anui je ngaugaibe rasam ze pau gai bei de lei, anui ne ningnui je ngau gai nei ze bambe luigum zeu—

⁷aipauziegene mi puiname gau, anui duângga ze bambe benai kahereube lie ze bambe leine ge ningnui je ’nning gai lu ningnui dage keneibe bambe rasam gezene anui lungsui tew’nta gai ka’nsui de lei;

⁸ningnui ne Heguangpeu dage sap’ntip ze bam bei dadege chunage anui ring ze bam de lei.

⁹Ningnui deu hangge Hera masuage anui suiyi-kadesangbe rasam leine ze ’ndaigum ze Hera dage pau kam dai chi ra lau,

¹⁰ningnui je anui ne heju ne heju ngau gai ze ningnui dage keneibe bambe ge mâ’nsangmakbe bambe peipui gai ra kemuî-keba lungsang ne kellum ze bambe zeu?

¹¹Chunage anui Rapeu anui Peu sing ne, zai anui Wangpeu Isua ne anui ningnui dage zuamie ra ’mpuîzeu hang peize teleu gai lau;

¹²anui ne ningnui dage tew gai gum ze, ningnui kat-kat hangge benai ziemmena ’nteumena hangge anui Wangpeu ne peize ningnui hangge tewpung gai ze kehungbe zene puigit bam ra tew gai be lau,

¹³chidezai anui Wang Isua ne pe gu ka’nchime je ngua lu wangbe ge, anui Rapeu zai Bepeu masuage ka’nchibe gene sa’nsiagairabe hang ga ze peize pa ne ningnui lung ramme ze tew’ntip kai ra hangge zeu.