Read Zeme Naga JOSHUA 12 Bible Online

JOSHUA 12 - Zeme Naga bible

JOSHUA 12

¹Chunage aime heguangme ramme ze Israelme ne penui je duî lu, zai tingnaimikpat ’mbia Jordan ’nzû ze, Arnon kâm gene Hermon Loa riâ chang ze, tingbia ’mbia gu Araba pelane lu’mpam ze penui ram Israelme ne lutattime bau de lei:

²Ammorme gu heguangpeu Sihonbe Heshbon ge bambepeu ne Arnon kâm betû ’mbia ge bambe Aroer ge zai bekâmram sûngngang gene Ammonme gu heramrai Zabbok geuki, chize Gilead pa’mpi riâ changbe,

³zai Araba gene tingbia ’mbia Kinneroth gu Sungkling riâ changbe, zai Beth-jeshimot ’mbia ge, Araba sungkling riâ Pisga loapî wangkeube ’Nchaî Sungkling riâ pa ne samram ze bambepeu;

⁴zai Ogbe Bashan gu heguang, Rephaim gene ringpatme ruagene hangkat, Ashtaroth benai Edrei ge lungpeu

⁵ne Hermon Loa benai Saleka zai Bashanram leine gene Geshurme benai Ma-akathme gu heramrai, zai Gileadram pa’mpi riâ gene Heshbon gu heguang Sihonbe gu heram rai riâ chang ze pa ne samram ze bampeu, aime hangna zeu.

⁶Tingwang guâ ka’ngguapeu Mosabe benai Iasraelme ne penui je duî ’ndi de lei; zai Mosabe Tingwang guâ ka’ngguapeu ne chime gu heram ze, Reubenme, Gadme zai Manassebe zat pa’mpime hangge penui ram hang pei bei de lei.

⁷Joshuabe benai Israelme ne Jordan gene tingrun ’mbia Lebanon kâm ge Baalgad gene Edom hiage tingpî ’mbiage Halak Loa ge heram gu heguangme ’nteumena je duî ’ndi de lei. Joshuabe ne aipau heram ze ziemmena hezat ramme ruage ’nzi gai ze penui ram hang penui je peizut kai de lei.

⁸Ai peipatkaibe heram kacheube lungge peloaram, tingbia ’mbia gu peloa ramme, Jordan kâm benai chige peloa ramme, tingbia ’mbia ’mpei zai tingpî ’mbia ge gechangram ge airamme gut te lei. Aipau heram ze â Hethme, Amorme, Kanaanme, Perizme, Hibme, zai Jebusme aime ramme gu heram chang ze bam lei.

⁹Israelme ne duî’ndibe heguangme ram gu namdi ramme ze airamme de lei: Jeriko, Ai (chize Bethel hiage bambe)

¹⁰Jerusalem, Hebron,

¹¹Jarmuth, Lakis,

¹²Eglon, Gazer,

¹³Debir, Geder,

¹⁴Horma, Arad,

¹⁵Libna, Adullam,

¹⁶Makkeda, Bethel,

¹⁷Tappua, Hepher,

¹⁸Aphek, Lasharon,

¹⁹Madon, Hazor,

²⁰Shimron-meron, Akshaph,

²¹Taanak, Megiddo,

²²Kedes, Jokneam (chize Karmel ge)

²³Dor (chize sungkling kung ge), Goiim (chize Galili ge),

²⁴zai Tirza--pelane ge heguangme hanghimreu ze kat lei.