Read Zeme Naga JOSHUA 15 Bible Online

JOSHUA 15 - Zeme Naga bible

JOSHUA 15

¹Penui ki gu peuna-sie luigum ze Judame zat hangge hedamkaibe ze tingpî ’mbia Edom gu heramrai riâ chang ze, Zinram hênamkang tingrun deulangbe chang ze pei bei de lei.

²Zai penui gu tingrun ’mbia heramrai ze ’Nchaî Sungkling mik sungkling gene tingpî ’mbia puaka’nsuabe gene luhang de lei;

³Akrab ’mpuîgap gene tingpî ’mbia chang ze, Zin luî-luî lutat lei, zai Hezron riâ gene Kades-barnea luhang ze, Addar riâ luchang lu Karka ’mbia kelikwang ze,

⁴Asmon luî-luî katat ze, Ijipram ’nggeuterak gene pat te lei, zai sungkling gene tud kai de lei. Aize ningnui gu tingpî ’mbia gu heramrai hang de lei.

⁵Zai tingbia ’mbia gu heramrai ze â ’Nchaî Sungkling lei, Jordan gêu mui riâ chang zeu. Zai tingpeî ’mbia gu heramrai ze â Jordan gêu mui ge sungkling bambe gene lutat te lei;

⁶zai heramrai ze Beth-hogla riâ luhangchang lu Beth-araba luî-luî lutat kadai lei; zai heramrai ze Reubenbe na Bohanbe gu tingchutum riâ luhangchang lei;

⁷zai heramrai ze Akhor kâm gene Debir riâ hangchang lei, zai tingpeî ’mbia, Gilgal lu’nriktat lei, chize pebakchuak gene tingpî ’mbia ge bambe Adummim gu peliap je teida lei; zai heramrai ze En-shemesh geuki luî lukeu ze En-rogel gene tud kai de lei;

⁸chipau chângge (Jerusalem kacheube) Jebus gene tingpî ’mbia pegap wangkeube ge Hinnombe na kâm gezene heramrai ze teihang lei; zai Rephaim kâm tingpeî ’mbia tudkaibe ge Hinnom kâm tingrun ’mbia ge kedeiloa bambe peloa’ntûm riâ heramrai ze luhangchang de lei;

⁹chipau chângge heramrai ze kedeiloa ’ntûm gene Nephtoa geuki riâ lupatchang lei, zai chigene Ephron Loa gu namdi ramme riâ luchang lei; chipau chângge chi heramrai ze Kiriath-jearim kacheube Baala ge tei’ngguawang gai lei;

¹⁰zai heramrai ze tuâkebitwang dai ze Baala ge tingrun ’mbia gene Seir Loa riâ chang, chigene Jearim Loa tingpeî ’mbia peliap luî-luî lupat lei (chize Kesalon lei), zai chigene Beth-shemes ’mbia lukeu dai ze Timnah luî-luî lutat lei;

¹¹zai heramrai ze Ekron gene tingpeî ’mbia peloa ramme gu peliap riâ lupat lei, chipau chângge heramrai ze Shikkeron ’mbia tuâkebitwang lei, zai Baala Loa luî-luî lupat ze Jabnil ge patchang gai lei; chipau châng zaine heramrai ze sungkling gene sau gai de lei.

¹²Zai tingpî ’mbia gu heramrai â, Sungkling Kedibe, zai bekung hia ramme ze de lei. Aipau heramrai ze Judame kiduîme hangge kaibe heramrai de lei.

¹³Tingwang ne Joshuabe je sam ranggaibe luigum ze, pa ne Jephunnebe na Kalebbe hang Judame ruage kedei bâm kat ’nraipat kai bei de lei, Kiriath-arba, chize Hebron de lei, (Arbabe â Anakbe peu lei).

¹⁴Zai Kalebbe ne Anakbe na hangchum, Sheshaibe, Ahimanbe zai Talmaibe, Anakbe chaname je chigene guatua ’ndi de lei.

¹⁵Chigene Debir ge lungme je ’nggi ra pa hang de lei; Debir ze tingtie ’ngka â Kiriath-sepher ze ku lei.

¹⁶Zai Kalebbe ne sa ze, “Mige Kiriath-sepher je ’nggi ze tew’nsia lu ze chize lulube kau je â, a na Aksale je pe nâu hang kai gu lei,” kacheu de lei.

¹⁷Zai Kalebbe kinapeu Kenazbe na Othni-elbe ne chize lu lu de lei; zai pa ne pe na Aksale je pe nâu hang kai bei de lei.

¹⁸Chipau pui ze Othni-elbe dage wang dege, pa ne pe napeu je pe peu ram ze kie ra getei gai bei de lei; zai pe gu hekunmerângne ching gene wangkeu de lei, zai Kalebbe ne pechu, “’Ndaikau nang lunei lau,” ze kacheu de lei.

¹⁹Pa ne pechu, “Achu kela kat pei lau; Negeb ram ge lung ra nang ne achu kai gai daze, dekuaki ramme du achu pei lau,” ze acheu bei de lei. Zai Kalebbe ne ’nreibe dekuaki benai ’ngkangbe dekuaki ze pei bei de lei.

²⁰Aize Juda benai pe chaname ne penui damrabe hedam ngaube ze de lei.

²¹Judame gu namdi ramme Tingpî ’ngkanglang ’mbe Edom gu heramrai ’mbia ge bambe ramme ze Kabzil, Eder, Jagur,

²²Kina, Dimona, Adada,

²³Kedes, Hazor, Ithnan,

²⁴Ziph, Telem, Be-aloth,

²⁵Hazor-hadetta, Keri-oth-hezron, (chize Hazor lei),

²⁶Amam, Shema, Moleda,

²⁷Hazar-gadda, Heshmon, Beth-pelet,

²⁸Hazar-shual, Beer-sheba, Biziothia,

²⁹Baala, Iim, Ezem,

³⁰Eltolad, Kesil, Horma,

³¹Ziklag, Madmanna, Sansanna,

³²Lebaoth, Shilhim, Ain, zai Rimmon lei: Penui keloa ramme du chak kai ze pelane namdi ’ngkai ze sekui lei.

³³Zai bekâmram ge bamme Eshtaol, Zora, Ashna,

³⁴Zanoa, En-gannim, Tappua, Enam,

³⁵Jarmuth, Adullam, Sokoh, Azeka,

³⁶Sha-araim, Adithaim, Gedera, Gederothaim lei: penui keloa ramme du lu gai dege namdi kereu ze medai lei.

³⁷Zenan, Hadasha, Migdalgad,

³⁸Dilean, Mizpe, Jokthil,

³⁹Lakis, Bozkath, Eglon,

⁴⁰Kabbon, Lahmam, Kitlis,

⁴¹Gederoth, Beth-dagon, Naama, zai Makkeda: zai penui nam ramme je rang gai ze namdi kereu ze seruk lei.

⁴²Libna, Ether, Ashan,

⁴³Iphta, Ashna, Nezib,

⁴⁴Keila, Akzib, zai Maresha: penui keloa ramme je riam gai dege namdi sekui lei.

⁴⁵Ekron benai pehiage namdi benai keloa ramme;

⁴⁶Ashdod taihia ge bambe Ekron gene sungkling riâge penui keloa ramme bam lei.

⁴⁷Chige Ashdod benai Gaza zai penai gu namdi zai keloa ramme du bam lei; Ijipram gu heramrai geuki riâ chang zai Sungkling Kedibe kunghia ramme riâ chang zeu.

⁴⁸Zai peloaram ge Shamir, Jattir: Sokoh,

⁴⁹Danna, Kiriath-sanna, (chize Debir lei),

⁵⁰Anab, Eshtemo, Anim,

⁵¹Goshen, Holon, zai Giloh bam lei: namdi kereu ze kat lei, penui keloa ramme du lu gai zeu.

⁵²Arab, Duma, Eshan,

⁵³Janim, Beth-tappua, Apheka,

⁵⁴Humta, Kiriath-arba, (chize Hebron lei), zai Zior: penui keloa je rang gai ze namdi sekui lei.

⁵⁵Maon, Karmel, Ziph, Jutta,

⁵⁶Jezril, Jokde-am, Zanoa,

⁵⁷Kaen Gibea, zai Timnah: penui keloa ramme je riam gai ze namdi kereu lei.

⁵⁸Halhul, Beth-zur, Gedor,

⁵⁹Maarath, Beth-anoth, zai Eltekon: penui keloa ramme du rang gai ze namdi seruk lei,

⁶⁰Kiriath-baal, (chize Kiriath-jearim lei), zai Rabba: penui keloa ramme du lu gai ze namdi kena lei.

⁶¹Tingkangram ge, Beth-arabah, Middin, Sekaka,

⁶²Nibshan, ’Nchaî namdi, zai En-gedi: penui keloa du rang gai ze namdi seruk lei.

⁶³Kane Jebusme, Jerusalem ge lungme je Judame kelitua lak ta di de lei; chipauziegene Jebusme â Judame dage chuna riâ chang ze Jerusalem ge lung bam lei.