Read Zeme Naga JOSHUA 16 Bible Online

JOSHUA 16 - Zeme Naga bible

JOSHUA 16

¹Josepbe chaname hang peigaibe ze Jeriko hia, Jeriko geuki gene tingbia ’mbia gene luchu ze tingkangram lugut lei, Jeriko gene peloaram ’mbe Bethel riâ luhangchang zeu.

²Zai Bethel gene Luz riâ Arkme gu heram Ataroth luî lupelahang lei;

³chigene tingrun ’mbia Japhletme gu heram riâ lukeu ze ’Ngkangbe Beth-horon gu heram riâ chang ze Gezer riâ chang lei, zai chize sungkling gene tud kai lei.

⁴Josepbe chaname, Manassebe benai Ephraim zatme ne penui gu heram hang ngau lu de lei.

⁵Aize Ephraimme kiduîme gu heramrai de lei: tingbia ’mbia penui gu heramrai ze â, Beth-horon ’Nreibe riâ changbe Ataroth-addar de lei,

⁶zai chigene heramrai ze sungkling riâ chang lei; tingpeî ’mbia gu ze â Mik-methath lei; tingbia gu herai ze Taanath-shilo ’mbia luguâwang ze tingbia ’mbia Janoa ’mbe chize lugûmtat ti de lei,

⁷zai Janoa gene Ataroth benai Naara riâ lukeu zai Jeriko deîtau ze Jordan gene sau gai lei.

⁸Tappua gene herai ze tingrun ’mbia Kana geuki ’mbe tat kai lei, zai sungkling gene tud kai lei. Acheu tewgaibe ze Ephraim kiduîme gu heram de lei.

⁹Manassebe chaname dam ruage Ephraim chaname gu namdi ramme benai keloa ramme ze du lu gai lei.

¹⁰Kane Gezer ge lungme, Kanaanme je penui kelitua mak tai de lei: chipauziegene Kanaanme ze nemai riâ chang ze Ephraimme ruage lung ze bam lei, kane penui â kebang ge gut kai kam di de lei.