Read Zeme Naga JOSHUA 19 Bible Online

JOSHUA 19 - Zeme Naga bible

JOSHUA 19

¹Zai heda pakenabe ge Simeonbe zatme kiduîme hangge penui kiria luigum ze pat te lei; penui gu hedam ze Juda zatme gu heram zuilung ge bam di de lei.

²Zai aigum ze penui gu hedam ze wangkeu de lei, Beer-sheba, Sheba, Molada,

³Hazar-shual, Bala, Ezem,

⁴Eltolad, Bethul, Horma,

⁵Ziklag, Beth-markaboth, Hazar-susa,

⁶Beth-lebaot, zai Sharuhen—penui keloa ramme je lu gai ze namdi kereu ze kechum ze penui gu kedei lungge gut te ra chang di de lei;

⁷En-rimmon, Ether, zai Ashan--penui gu keloa ramme je lu gai ze namdi medai lei;

⁸aipau namdi ramme huâzie ge Negeb gu Rama, Baalath-beer riâ chang ze keloa pelane gutherua kam di de lei. Aize Simeon zat kiduîme riak luigum ze penui gu heram hang chang di de lei.

⁹Juda gu heram gêsa â Simeon zat hangge teleu gai ’ndi de lei; Juda zat gu hedam ze penui hangge di’mpia di dadegeu, chigum ze penui gu heram zui lung gene Simeon zat heram ngau de lei.

¹⁰Penui kiria luigum ze heda pakechumbe Zebulunme dage wangchang de lei. Penui heram ngaube ze Sarid riâ luchang de lei;

¹¹zai penui gu heramrai ze tingrun ’mbia hangge Mareal chang ze Dabbeseheth deîtau lei, zai Jokne-am gene tingbia ’mbia ’nggeuki riâ chang lei;

¹²Sarid gene katlam ’mbia tingbia ’mbia Kisloth-tabor gu herai ge tingnaimik pat ’mbia ge heramrai luchang lei; chigene Daberath lutat ze Japhia riâ luhangchang de lei;

¹³chigene tingbia ’mbia tat-hangbe luî Gath Hepher zai Eth-kazin gene Rimmon tat ze ’mpuî ze Nea ’mbia tat kai lei;

¹⁴zai tingpeî ’mbia gu heramrai ze Hannathon ’mbia tatzua ze Iphtahel kâm gene tud kai lei;

¹⁵zai Kattath, Nahalal, Shimron, Idala, zai Bethlehem—penui keloa ramme je chak kai ze namdi kereu ze kena lei.

¹⁶Aipau namdi ramme benai penui gu keloa dibe ramme ze Zebulun zatme ki riak luigum ze heram peibe de lei.

¹⁷Pamedaibe heda ze Issakarbe hangge pat te lei, Issakarbe zatme hangge zeu, pe kiria luigumbe geneu.

¹⁸Aipau gu heramrai lungge Jezril, Kesulloth, Shunem,

¹⁹Haphara-im, Shion, Anaharath,

²⁰Rabbith, Kishion, Ebez,

²¹Remeth, En-gannim, En-hadda, Beth-pazzez, airamme gut te lei;

²²heramrai ze Tabor, Shahazuma, zai Beth-shemes deîtau lei, zai Jordan gene herai ze tud kai lei—penui gu keloa ramme je chak kai ze namdi kereu ze seruk lei.

²³Aize Issakar zatme ne heram ka’nrambe de lei, penui kiduîme riak luigum zeu. Penui gu keloa ramme benai namdi ramme du bam lei.

²⁴Penui peuna kiria luigum ze pamengeube heda ze Asherbe zatme hangge pat lei.

²⁵Penui gu heram lungge airamme, Helkath, Hali, Beten, Akshaph

²⁶Allammelek, Amad, zai Mishal je lugut kai lei; tingrun ’mbia ge Karmel benai Shihor-libnath deîtau lei,

²⁷chigene tingbia ’mbe tuaguâwang dai ze Beth-dagon tat kai lei, zai Zebulun deîtau gai zai Iphtahel kâm gene tingpeî ’mbia Beth-emek benai Neiel chang zeu; zai chigene tat’nduâ ze tingpeî ’mbia Kabul,

²⁸Ebron, Rehob, Hammon, Kana, Kedibe Sidon riâ chang lei;

²⁹zai herai ze Rama ’mbia tua’nreiwang dai ze Tira namdi chang lei; dezai herai ze Hosa ’mbia wang kadai lei, zai sungkling gene tud kai lei; Mahalab, Akzib,

³⁰Umma, Aphek, zai Rehob—penui gu keloa ramme je lu gai dege namdi ’ngkai ze kena lei.

³¹Aize Asherbe zatme ne heram ka’nrambe de lei, penui kiria luigum zeu—namdi ramme benai keloa ramme zeu.

³²Paserukbe heda ze Naphtali zat hangge pat te lei, Naphtali zat hangge zeu, pe kiduîme riak luigum zeu.

³³Penui gu herai ze, Helep gene Za-anannim ge ’mpubang benai Adaminekeb, zai Jabnil gene Lakkum, riâ chang ze lu lei; zai Jordan gene chize tud kai lei.

³⁴Chigene herai ze naimik kêu ’mbia Asnoth-tabor tat kai, zai chigene Hukkok tat kai ze, tingpî ’mbia Zebulun deîtau lei, zai naimik kêu ’mbia Asher, zai Jordan ge naimik pat ’mbia Juda chang lei.

³⁵Zai peranchibe namdi ramme ze â, Ziddim, Zer, Hammath, Rakkath, Kinnereth,

³⁶Adamah, Rama, Hazor,

³⁷Kedes, Edrei, En-hazor,

³⁸Yiron, Migdalel, Horem, Beth-anath—zai Beth-shemes—penui gu keloa ramme je rang gai ze namdi ramme kereu ze sekui lei.

³⁹Aize Naphtali zatme ne penui kiria luigum ze heram benai namdi zai keloa ramme ’nramgaibe de lei.

⁴⁰Pe ki riak luigum ze heda pasenabe ze Danme zat hangge chakpat te lei.

⁴¹Zai penui gu heram lungge Zora, Eshtaol, Ir-shemes,

⁴²Sha-alabbin, Aijalon, Ithla,

⁴³Elon, Timnah, Ekron,

⁴⁴Eltekeh, Gibbethon, Baalat,

⁴⁵Jehud, Bene-berak, Gath-rimmon,

⁴⁶zai Mejarkon zai Rakkon, zai Joppa je guâbe heram, airamme ze lugûm ’ndi lei.

⁴⁷Danme penui gu heram gagaidibe ting ge Danme ne Leshem je hang ze ka’nggi de lei, penui je ’nggi ze hiazutkie ne tewchat kam lu dege penui ne lung ’ndi de lei, zai chipau namdi ji ze Laishem gene Dan ze ’ntakkeli gai lei, aize penui pau Danbe ji ze lu gai lei.

⁴⁸Aize Danme zatme gu penui kiria luigum ze heram ka’nrambe de lei—namdi ramme benai keloa ramme zeu.

⁴⁹Penui gu heram ramme ngaurabe ze ’nzi kam lu dege, Israelme penui ruagene Nunbe na Joshuabe dam hang pei gai de lei.

⁵⁰Tingwang ne diegaibe luigum ze Ephraim gu peloaram ge Timnathsera namdi pa ne kiebe penui ne pechu pei bei de lei; zai pa ne namdi tewchu gai dai lu, chige lung di de lei.

⁵¹Airamme ze tingkupeu Eleazarbe benai Nunbe na Joshuabe zai Israelme zat ruage besuitewme leine Tingwang masuage Shilo hetiamki kemui gene hedachak ze kedei ka’nzibe ramme de lei. Chigum ze heram penui ne ’nzi kam gai de lei.