Read Zeme Naga JOSHUA 20 Bible Online

JOSHUA 20 - Zeme Naga bible

JOSHUA 20

¹Zai Tingwang ne Joshuabe je,

²“Israelme je, ‘Mosabe dagene I ningnui je saliagai’ndibe ze ’nseurabe namdi ramme hang peu du lau,

³dezai mige ziemmena je kegîme tewmaube gene miramme je tewchatbe kau paktat ze chige ’mbai gai ra hangge zeu; zai hejai kûmruibe kau dagene chiramme zene ningnui ’nseubâm hang chang gu lei.

⁴Chi namdi ruage kat ge pa paktat ze namdi keriekemui ge sap kai lu, pa tedeu ze namdi gu besuitewme je salia ra lei; dezai penui ne pechu namdi lung ’mbe teigut lu, pe bam hang pei gai ra lei, zai penui dage pa bam ra lei.

⁵Zai hejai kûm ruîpeu ne pechu ’nchumie dizai â, penui ne kegîpeu je pe ba ge pei gai mak ra lei; ’ndâge pe teurei changbe ne mak ze tewmaube gene pe ramna’mpeu je tewchat daseu.

⁶Baudime je sam rang gai ra sap kai mak tâne zai chipau ting gu tingkupeu chai mak tâne chipau namdi ge pa bam ra lei; dezai kegîpeu je pe ram mei nune pe ki lam’mbe mei ze pa pakwangbe bâm ’mbe tat dai ra lei,’ ze acheu ze salia lau,” ze kacheu de lei.

⁷Dadege penui ne Naphtali gu peloaram ge Kedes ge Galili ge zai Ephraim gu peloaram ge Shekem, zai Juda gu peloaram ge Kiriath-arba (chize Hebron lei) ge penui ne kedei diechâmpat kai bei de lei.

⁸Zai Jordan ’nzû ze Jeriko gene tingbia ’mbia ge peloa besautewbe bâm, Reuben zatme ram ge Bezer, Gad zat gu heram gene Gilead ge zai Manasse zatme gu heram Bashan ge Golan je penui ne kelângpat kai de lei.

⁹Aibe namdi ramme ze mige tewmaube gene ziemmena je tewchat kai lu ze hejai kûm ruî ra peume ba gene kechai ’nreipat lu baudime suage sapliarabe mai chang mak tâne pa pak’nseugaichilerabe bâm hang Israelme ’nteumena hang benai hesang penui dage rêume hang peupatkaibe namdi ramme de lei.