Read Zeme Naga JOSHUA 21 Bible Online

JOSHUA 21 - Zeme Naga bible

JOSHUA 21

¹Zai Lebibe kibau ruagene besuitewme ze Eleazarbe tingkupeu benai Nunbe na Joshuabe zai Israel zatme ruage besuitewme dage wang de lei;

²zai Kanaanme gu heram Shilo ge penui ne penui je, “Tingwang ne Mosabe dagene sam rangpelakeu ze anui lung ra namdi ramme, zai anui gu kaurui hang hereubuâyibe heram anui je pei gu lei,” ze kacheu de lei.

³Chigum Tingwang ne ranggaibe luigum ze Israelme ne Lebime hangge ai namdi ramme benai hereubuâyibe heram penui gu heram gene diepat kai bei de lei.

⁴Zai Kohathme kiduîme hangge hedachakpat te lei. Zai Lebime, Aaronbe tingkupeu dagene reheipiakeume ze Juda zat gu, Simeon zat gu, zai Benjamin zat gu heram gene namdi kereu ze kechum ze hedachakbe gene ngau de lei.

⁵Zai Kohathme kêdame leine hedachakbe gene Ephraimme zat kiduîme gu zai Danme zat benai Manassebe zat pa’mpime gu heram gene namdi kereu ngau de lei.

⁶Gershome ne hedachakbe gene Issakar zat kiduîme gu Asher zat gu zai Naphtali zat gu zai Bashan ge Manassebe zat pa’mpi bamme gu heram gene namdi kereu ze kechum ngau de lei.

⁷Merarime penui peuna riak luigumbe gene namdi kereu ze kena ze Reuben zat gu, Gad zat gu, zai Zebulun zat gu heram gene ngau de lei.

⁸Tingwang ne Mosabe dage ranggai’ndibe luigum ze ai namdi ramme benai penui gu hereubuâyibe heram ramme ze hedachakpatbe gene Lebime hangge Israelme ne pei bei de lei.

⁹Juda zat benai Simeon zat gu heram gene penui ne peigaibe aige namdi ji ramme teiliabe ze,

¹⁰Lebi zat changme Kohathme kiduîme ruage hangkat Aaronbe chaname hangge tat kai de lei; heda gene penui hangge patraidibe ziegeneu.

¹¹Penui ne chime hang Kiriath-arba (Arba ze Anakbe peu) pei gai de lei, chize Hebron lei, Juda gu peloaram hereubuâ keyiberam huâzie pei’mpam zeu.

¹²Kane namdi gu helu ramme benai penui gu keloa ramme ze â Jephunnebe na Kalebbe dam hang pei ’ndi lei.

¹³Zai tingkupeu Aaronbe chaname hangge ziemmena je tewchatme ka’nseube bâm namdi Hebron ze penui ne pei gai de lei, zai chige pei’mpamgaibe ramme ze chige hereubuâ yiberam, Libna zai chige hereubuâ keyiberam

¹⁴Jattir benai Eshtemoa zai chige hereubuâyibe heram,

¹⁵Holon benai Debir zai chige hereubuâyibe heram,

¹⁶Ain, Jutta zai chipau heram ge hereubuâyibe heram ramme ai hezat kena gu heram gene namdi sekui, airamme de lei;

¹⁷zai Benjamin zat gu heram gene Gibeon benai Geba zai chipau kena benai melitaning,

¹⁸Anathoth benai Almon zai chipau kena benai melitaning namdi medai, airamme pei’mpam gai bei de lei.

¹⁹Tingkume Aaronbe chaname gu namdi pelane ge kereu ze kechum lei, zai penui gu melitaning ramme je du chak kai zeu.

²⁰Lebi zat Kohathme kiduîme bau Kohathme kêdame leine hangge namdi ramme peigaibe ze â Ephraim zat gu heram gene de lei.

²¹Penui hangge Ephraim gu peloaram ge melitaning zai ziemmena je tewchatme ka’nseube namdi Shekem, Gezer zai chige melitaning,

²²Kibza-im benai Beth-horon zai chipau kena benai melitaning—namdi medai, pei gai de lei;

²³Dan zat gu heram lung gene Elteke benai Gibbethon zai chipau kena benai melitaning,

²⁴Aijalon benai Gath-rimon zai chipau kena benai melitaning—namdi medai;

²⁵Manassebe zat pa’mpi gu heram lung gene Taanak benai Gath-rimmon zai chipau kena benai melitaning—namdi kena pei gai de lei.

²⁶Kohathme kêdame leine kiduîme gu namdi ramme pelane kereu lei, zai chige penui gu hereubuâyibe heram ramme ’mpam la de lei:

²⁷Lebime kibaume, ruage Gershonme je Manassebe zat pa’mpi gu heram gene peigaibe ze, Bashan ge Golan zai pe gu melitaning ramme, zai kegîme ’nseugairabe namdi Be-eshtera, zai Be-eshterah zai chipau kena benai melitaning—namdi kena;

²⁸Issakar zat gu heram gene Kishion benai Daberath zai chige melitaning,

²⁹Jarmuth benai En-gannim zai chipau kena benai melitaning ramme—namdi medai;

³⁰zai Asher zat gu heram gene Mishal benai Abdon zai chipau kena benai melitaning,

³¹Helkath benai Rehob zai chi kena ge melitaning—namdi medai;

³²zai Naphtali zat gu heram gene kegîme ka’nseube namdi Galili ge Kedes, Hammoth-dor benai Kartan zai chipau bâm ramme ge melitaning ramme—namdi kechum, airamme de lei.

³³Gershonme kiduîme gu namdi ramme pelane ge kereu ze kechum zai chiramme ge hereubuâyibe heram ramme du ngau de lei.

³⁴Marari kau kiduîme Lebime kêdame leine hangge Zebulun zat gu heram gene Jokne-am benai Karta zai chipau kena benai melitaning,

³⁵Dimna benai Nahalal, zai chipau kena benai melitaning—namdi medai;

³⁶Reuben zat gu heram gene Bezer benai Jahaz, zai chipau kena benai melitaning,

³⁷Kedemoth, benai Mepha-ath, zai chipau kena benai melitaning—namdi medai;

³⁸Gad zat gu heram gene ziemmena je tewchatme ka’nseube namdi Gilead ge Ramoth benai Mahanaim zai chipau kena benai melitaning,

³⁹Heshbon benai Jazer zai chipau kena benai melitaning—pelane ge namdi medai pei gai lei.

⁴⁰Mararime kiduîme gu namdi ramme penui hangge peigaibe ze pelane ge namdi kereu ze medai lei, Merarime kiduîme ze Lebime kiduîme ’nsakpatme bau de lei.

⁴¹Israelme ne heram ka’nrambe zuilung ge Lebime gu namdi pelane hedai ze desat lei, zai chige penui gu hereubuâ keyiberam ramme ka’mpam lei.

⁴²Chi namdi ramme leine je melitaning yibe ramme ne bamguâgit ze bam lei; chigum ze ai namdi ramme ge melitaning yibe ramme bam de lei.

⁴³Chigum ze Tingwang ne penui peume dage samhatkaibe luigum ze Israelme hangge heram pelane pei bei de lei; zai chize penui ne lu lu chige penui ne lung di de lei.

⁴⁴Zai Tingwang ne pebâm’nsangne ge zeûne ze bam ra penui je pei bei de lei, penui paume dage pa ne samhatkai’ndibe gum zeu; penui teureime penui je tingkangrabe kau katte ga di de lei, Tingwang ne penui teureime je penui ba ge pei gai kam ’ndi dadegeu.

⁴⁵Tingwang ne Israelme ki hangge mâ-keyibe ramme hatkaibe ze katte wangchangmakbe ga lei; getaleine tew-wangchang kam gai bei de lei.