Read Zeme Naga 1 TIMOTHI 6 Bible Online

1 TIMOTHI 6 - Zeme Naga bible

1 TIMOTHI 6

¹Kebang gu guangkâm kangge bamme leine ne penui paume je hengêutew ra yibe hang peize ’nningchi ze bam lau, chidezai Hera ji benai chi mâ-geteiliabe ze sa’nsia gai mak ra hangge zeu.

²Heraki bau besuitewme gu kebangme ne pei ze penui paume ramme je penui puinakat changbe ziegene penui je hengêutewchi mak ze bam mak sing ra lei; makte penui kebangme ne ’nggua’mmi’nteu sing ra yi lei, penui keneime, Hera ne hung ze bambeime tatew gene penui (kebangme) ramme ze kegiebe ngau daseu. Aipau tâ-ngeu ramme ze geteilia ze ranglia lau.

³Mi-mige ne pe lam châmcheî ze mâ-geteilia ze Heguang Isua Krista gu sam kapelingbe benai Hera luilung keyibe ge hedautit mak ze mâ-geteilia dizai â

⁴pa â mâ de chî mak ze, pe runne pechu ’nning’ndi ze gechîrettewbe kau de lei; sam ramme deu ge tukakeleube benai hegeirabe hangge pe lung ka’nchâ lei, chigene hemimeube, hetû kedibe, saka’nsiabe, ’nningka’nsiabe pat lei,

⁵zai Hera luilung yibe pungbe â pegiê ngaurabe ’mpuî de lei be ’nning ze penui ka’nningbe tak ’nchui ta di, zai samsang je kaheguîbe gadime ruage tukakebiengbe pat lei.

⁶Helungwângchangbe gene Hera luilung keyibe pungbe ge pegiê misongga ngaube la lei;

⁷kedeirei ge anui ne mâ de teiwang mak, zai kedeirei gene anui mâ de teitatchi lak daseu;

⁸kane anui dage hetak hang benai kai ze bârabe hang bam bei zai â, anui lungwângchang ze bam ra de lei.

⁹Heu ze lungyi ze bam ra neibe kau â, keduaibe ge, ’mpia ge, helungsuitudbe benai tewhereugairabe suigut misonggabe ramme ge keu gai de lei, chi mi je tewhereugairabe benai tew’nsiagairabe ge chuigaibe zeu.

¹⁰Rangkâng je ka’nchâbe â mâ-kesiabe ramme ma ramme (chi pemateringhibe) daseu; ai mâ-teusuabe gezene hanggesame ze keneibe-sie gene kezittat ze penui lung ramme mi duânggabe zat ramme zene hetupie ramme gum ze duak ze bam de lei.

¹¹Kane nang â, Hera gu ziemmena gau, aize ’mbia’nchichiak le lau; katelingbe, Hera luilung keyibe pungbe, keneibe, kehungbe, helungka’ntipbe, karenuabe lam’mbe hekasûn lu bam lau.

¹²Keneibe gu herei keyibe hereitew bam lau; sakkime misongga bambe gene nang keneibe samhatkai’ndibe luage ningchu kûgaibe geze keringbe betunmakbe ze tei’ntip le lau.

¹³Mâ-mâleine hangge ring ze bam ra peipeu Hera zai Krista Isua, chi Pontias Pilatbe suagene sakkitewbe gene pe gu keneibe sam rang’nchichiakaipeu bambe sing gene,

¹⁴Heguang Isua Krista liâ gai mak tâne hingde ze tewheziâk kai mak zai sa’nsia gai mak ze bamkuâ ra I ne ningnui je die gai de lei;

¹⁵zai aize panehî sing ge teilia gai gu lei, pe runne Heguang chang ze bambepeu, heguangme gu Heguang zai hera ramme gu Tingwang,

¹⁶chaidailakbe ze pe dage runne bambepeu zai wang’nnachilakbe kebabe ge bambepeu, mî de mâdau ngau mak zai mî de ngauchilakpeu zeneu. Pe dage hengêutewbe benai betun mak kaheguangbe ze peize bam bam lau. Amen.

¹⁷Ai kedeirei gu keheube zat ramme ge gechî-keditew mak ra, helunglum ra gabe heurâ ramme peireige penui kaheguîbe kai mak ze kane Hera anui je mâgetaleine pei ze anui je tinggeuzun ze bambepeu peireige kaheguîbe kai ze bam ra penui je die gai lau.

¹⁸Penui â keyibe tew ra, tâ-yibe tewchi ra, helungdi ze mâ-peipatchi ze bam ra lei,

¹⁹chi acheu ze hesuating hangge penui runne penui hang mâ-keyibe tewdiak kai zeu, chi dezai keringbe, chi keringbe gesang ze penui tei’ntip le ra hangge zeu.

²⁰Hei Timothibe gau, ningchu ’nnumtew ze peigaibe ze reî’mmi lau. Hera gu makbe ramme betâugabe damkakebiengbe benai chi karasa ne mâ-kechîbe acheu ze penui ne kûbe chi samsang je ka’nggibe gene ’mbia de lau,

²¹chipau rasam penui gu chang ze paube gene penui ze keneibe-sie gene kezit’ngga gai di de lei. Hera ka’nggiabe peize ningnui dage bam lau.