Read Zeme Naga 1JOHAN 1 Bible Online

1JOHAN 1 - Zeme Naga bible

1JOHAN 1

¹Keringbe sam tedeu ge chi bepîbang gene bamdibe, anui ne seulube, anui mik ne ngaulube, anui ne pie gai ze anui ba ne deîtausinggailube—

²chi keringbe ze â liâ’nchichiak kai bei ze anui ne ngau lu de lei, zai chize sakkitew ze keringbe betunmakbe sam ningnui dage pau gai de lei, chi Bepeu dage bambe anui dage teiliagaibe—

³chi anui ne ngau ze seulube ningnui dage du pauliâgaibe zeu, chidezai anui dage ningnui puinakattew-herua le ra hangge zeu; zai anui puinakattewbe â Bepeu benai pe Na Isua Krista dagene chang de lei.

⁴Zai aize anui suigut tewpuigairabe hanggene anui raw gai de lei.

⁵Chize, Hera â kebabe lei zai pa ge â kemuîbe mâ de ga lei be pe dagene anui ne seulube benai ningnui dage paugaibe sam de lei.

⁶Anui ne, kemuîbe ge tatbe luage pe dage anui nguapuinakattew ze bam lei acheu dizai â, anui ze karasa same chang zai samsang luigum ze lungmakme chang de lei;

⁷kane pa ne kebabe ge bam gum ze anui kebabe ge tat bam dizai â, anui kat-kat ge nguapuinakattew de lei, zai anui je pe Na Isua jai zene hemui leine gene hui’nchi gai ze bam lei.

⁸Anui ne anui gu hemui ga lei acheu dizai â, anui runne anui je duaibe chang de lei, zai samsang ze anui dage ga lei.

⁹Anui ne anui gu hemui ralia ze bam dizai â, pa lungsangtewpeu zai kapelingpeu ne anui gu hemui ramme lun gai ze anui pelingtewmakbe kesiabe leine gene anui je hui’nchi gai gu lei.

¹⁰Anui ne anui â hemui gai me lei ze acheu dizai â, anui ne pechu karasa sapeu hangge tewgaibe chang lei, zai pe sam ze anui dage ga lei.