Read Zeme Naga SAMRAMME 17 Bible Online

SAMRAMME 17 - Zeme Naga bible

SAMRAMME 17

¹Ephraim gu peloaram ge bambepeu hangkat pe ji Mikabe bam de lei.

²Zai pa ne pe pui je, “Gepûtgeî chang kat ze haî kat ning dagene lutat’ndibe, chipau deu gene nang ne kadesetbe sam sagai’ndibe zai a kun seube gene sagai’ndibe ze pie le lau, gepût ze â a dage la lei; I ne tei lu de lei,” ze kacheu de lei. Zai pe pui ne sa ze, “Tingwang ne peize a na je ’nnam gai be lau” ze kacheu de lei.

³Zai pa ne pe pui dage gepûtgeî chang kat ze haî kat pei gai dai bei de lei; zai pe pui ne sa ze, “A na hangge a ba gene Tingwang dage aipau gepût ze diepat’nchi gai de lei, heraluî hangge heki ra, zai heraluî hangge langpat kai ra hangge zeu; chidaze chuna ning ba ge I pei gai dai gu de lei,” ze kacheu de lei.

⁴Chigum ze pe pui dage rangkâng pa peipatkaikadaibe luage, pe pui ne gepûtgeî haî na â tei lu ze gepût kahekipeu je pei bei de lei, pa zene hekilube heraluî benai langlualube heraluî tew gai de lei; zai chize Mikabe ki ge bam de lei.

⁵Zai chipaupeu Mikabe pe gu heraki bam de lei, zai pa ne ephod benai teraphim tew lu tingku hangge pe na ruage hangkat je kai de lei.

⁶Chipau ting ge â Israelram ge heguang bam mak lei; ziemmena leine pemikngau-ngau ge ’ndaikau ze yi mei be tew ze bam de lei.

⁷Chunage Lebi’mpeu, Juda kiria kau, Judaram ge Bethlehem keloame rehang’mpeu hangkat bam de lei; zai chige pa ’nnai ze bam de lei.

⁸Zai chipaupeu ze Judaram Bethlehem namdi gene zuapat ze pa ne pebâm peu duî-duîbe ge lung ra tat ti de lei, zai pa tebeîtewtatbe ge Ephraim gu peloaram ge Mikabe ki ge tat kai de lei.

⁹Zai Mikabe ne pechu, “’Ndai’nggene nang wang lau?” kacheu de lei, zai pa ne kak ze, “I â Judaram ge Bethlehem namdi ge bambe kau, zai Lebi’mpeu lei, zai I â a bâm hang peulu-lube ge lung ra tat te lei,” ze kacheu de lei.

¹⁰Zai Mikabe ne pechu, “A dage bam le lau, zai a hangge nang ne a peu hang du zai tingku hang du chang le lau, dezai I ne ning hangge kum kat ge gepûtgeî kereu pei bu lei, zai ning puâ hang benai teu ze sakrabe hang pei bu lei,” ze kacheu de lei.

¹¹Zai Lebi’mpeu ze chipaupeu dage bamherua nei di de lei, zai rehang’mpeu ze pe hangge pe name ruage mi hangkat chang di de lei.

¹²Zai Mikabe ne tingkupeu je sum gai de lei, zai chi rehang’mpeu zene pe gu tingkupeu chang di de lei, zai Mikabe ki ge pa bam de lei.

¹³Chidadege Mikabe ne, “Chunage Tingwang ne achu lung’ntuachu ra tew gai gu lei be I chî lei, a dage Lebi’mpeu ne tingkupeu chang la daseu,” ze kacheu de lei.