Read Zeme Naga 2 JOHAN 1 Bible Online

2 JOHAN 1 - Zeme Naga bible

2 JOHAN 1

¹Gechîngpeu dagene sam ngauchangbe. I benai ’nteumena samsang chîme leine, anui ne samsang gene hung ze bamme (Hera ne) kelângpatkaibeipui benai pe name dage,

²anui dage nguabam-bambe benai betingbeta nguabam-bamrabe chi samsang ziegene:

³Kehungbe benai samsang ge Hera Bepeu dagene zai Bepeu Na Isua Krista dagene ka’nggiabe, kehungbe, zai desieyibe ze anui dage bam bam gu lei.

⁴Bepeu ne anui je diegaibeibe luigum ze ning name ruage hanggesame ne hingde ge sui ze bambe ngau lu I a suiyi-desang lei.

⁵Zai chunage I ne ning dage hingde karchibe hang gum ze rawgaibe gene makse, kane bepîbang gene anui dage bamkuâdibe gumbe gene raw gai ze ning dage kiâm de lei, chi anui ne kat kat je hung ze bamrabe hangge zeu.

⁶Zai kehungbe ze â aize de lei, chi pe gu hingde ramme anui ne suibambe zeu; aize hingde lei, bepîbang gene anui seube luigum ze kehungbe ge anui suibamrabe zeu.

⁷Choachime, chi Isua Krista hemeipum changbe gene wangkeube tak chigaihâmakme misongga ze kedeirei ge pat kam de lei; aigumbe kau ze choaruachibe kau, zai Krista je ka’nggibe kau de lei.

⁸Ningnui ne tâtewgai’ndibe ge ngau ra bambe ze tew’ngga makse, kane getoabehi pelane ngau kam le ra ningnui runne ningnui je piechi lu bam lau.

⁹Mi-mige pa ne tatraî lu Krista gu keneibe-sie geteiliabe ge bammakbe kau â pe dage Hera ga lei; keneibe-sie geteiliabe ge bam-bambe kau â pe dage Bepeu benai pe Na hangna bam lei.

¹⁰Mi-mige ne ningnui dage wang ze, aipau geteiliabe-sie teiwang mak tizai â kilûng ge pechu nguagut se lau, zai rechâgaibe pechu pei se lau;

¹¹pechu karechâbe kau â pa tâ-kesiabe tewbe ge nguaheruagaibe chang daseu.

¹²Ningnui hangge sam misongga raw gai ra a dage bam leusedu leisi benai leisidui du I ne ’nnangsua ra mak lei, kane I ne zuamie sing lu ningnui je heju ne heju ngauhedau ze ’mpautau sing gai ra ka’nning lei, chidezai anui lungwângchang sing gai le ra hangge zeu.

¹³Ning kinapui chi Hera ne kelânggaibeipui name ne ningchu rechâ gai de lei.