Read Zokam Piancilna 11 Bible Online

Piancilna 11 - Zokam bible

Piancilna 11

¹Tu-in leitung bupin kampau khat nei-in pautaang khat zang hi.

²Mite nisuahna d[58] lamah pai uh a, Shinar e[59] ah leizang mu in tua lai-ah a lal uh hi.

³Amaute in, "Hong pai un lei sekin limtakin i hal ding hi," kici uh hi. Amaute in suangtum tangin leisek zang uh a, leikang dingin kultar a zang uh hi.

⁴Tua khit ciangin amaute in, "Hong pai un, leimaitangte ah i kithehthang loh nadingin i min dingin khuapi khat lamin a dawn in van aban tausang khat neisak ni," kici uh hi.

⁵Ahi hangin khuapi le mihingte lam tausang en dingin TOPA kum suk hi.

⁶TOPA in, "Mi nam khat bangin kam khat zanga hih nasep a kipan uh ahi hi. Sep dinga a geelte uh amau adingin a piang theilo om lo ding hi.

⁷Hong pai un, khat le khat a kitel loh na dingun va paisukin amaute kampau kitukalhsak ni," a ci hi.

⁸Tua ahi ciangin tua mun panin TOPA in leitung khempeuhah amaute thehthang a, khuapi lam khawl uh hi.

⁹Tua thu hangin Babel f[60] kici hi - bang hang hiam cih leh tua lai-ah TOPA in leitung buppi kampau a kitukalhsak hi. Tua lai panin TOPA in amaute lei maitang bupah thehthang hi.

¹⁰Hih in Shem khanggui sutna ahi hi. Tuiciin tun zawh kum nih, Shem kum 100 a upat ciangin Arphaxad’ pa g[61] ahi hi.

¹¹Amah Arphaxad pa ahi khit nungin Shem kum zanga nungta lai a, tanu dang le tapa dang a nei lai hi.

¹²Arphaxad kum 35 a phak ciangin Tapa Shelah’ a nei hi.

¹³Amah Shelah’ pa ahi nungin Arphaxad kum 403 nungta a tanu h[62] le tapa dang a nei lai hi.

¹⁴Shelah kum 30 a phak ciangin tapa Eber a nei hi.

¹⁵Eber’ pa ahi khit nungin Shelah kum 430 nungta a, tanu le tapa dang a nei lai hi.

¹⁶Eber kum 34 a phak ciangin tapa Peleg’ a nei hi.

¹⁷Peleg’ pa ahi nungin Eber kum 430 nungta a, tanu le tapa adang a nei lai hi.

¹⁸Peleg kum 30 a phak ciangin tapa Reu’ a nei hi.

¹⁹Reu’ pa ahi nungin Peleg kum 209 nungta a, tanu le tapa adang a nei lai hi.

²⁰Reu kum 32 a phak ciangin tapa Serug’ a nei hi.

²¹Serug’ pa ahi nungin Reu kum 207 nungta a, tanu le tapa adang a nei lai hi.

²²Serug kum 30 a phak ciangin tapa Nahor’ a nei hi.

²³Nahor’ pa ahi nungin kum 200 nungta a, tanu le tapa adang a nei lai hi.

²⁴Nahor kum 29 a phak ciangin tapa Terah’ a nei hi.

²⁵Amah Terah’ pa ahi nungin Nahor kum 119 nungta a, tanu le tapa adang a nei lai hi.

²⁶Terah kum 70 a phak khit ciangin tapa Abram, Nahor le Haran-te a nei hi.

²⁷Hih in Terah khanggui sutna ahi hi. Terah pen Abram, Nahor le Haran-te’ pa ahi hi. Haran pen Lot’ pa ahi hi.

²⁸A pa Terah a nuntak lai-in ama suahna Chaldea gam Ur ah Haran a si hi.

²⁹Abram le Nahor in zi nei tuak uh hi. Abram’ zi min Sarai hi a, Nahor’ zi min Milcah ahi hi; amah Milcah le Iscah-te pa Haran tanu ahi hi.

³⁰Sarai tasel ahi hi; ta a nei kei hi.

³¹Terah in a tapa Abram, ama tupa, Haran tapa Lot, a mo Abram zi Sarai-te tonpih in Chaldea gam Ur panin Canaan-a pai dingin a kuankhia khawm uh hi. Ahi hangin Haran a tun uh ciangin tua lai-ah teng uh hi.

³²Terah kum 205 nungta a, tua ciangin Haran ah si hi.