Read Zokam Piancilna 16 Bible Online

Piancilna 16 - Zokam bible

Piancilna 16

¹Tu-in Abram zi Sarai in ta a nei kei hi. Ahi hangin Hagar min nei Egypt-te numei khat nasemin a nei hi;

²tua hi a amah in Abram kiangah, "TOPA in ta nei loin hong koih hi. Ka nasemnu va luppih dih in; tuanu tungtawnin innkuan a nei ding ka hi kha ding hi," a ci hi. Sarai cih bangin Abram a thukim hi.

³Tua ahi ciangin Canaan a Abram a ten zawh kum sawm khit ciangin a zi Sarai in ama nasemnu Egypt mi Hagar paipih a, a pasal kiangah a zi dingin pia hi.

⁴Amah in Hagar luppihin tuanu in nau paii hi. Tuanu in a gai lam a kitheih ciangin a pi simmawh ding a kipan hi.

⁵Tua khit ciangin Sarai in Abram kiangah, "Ka thuakna nang hang ahi hi. Na angah ka nasemnu kong koih hi; tuanu a gai lam kithei a, kei hong simmawh hi. TOPA in nang le kei kikalah thu khen ta hen," ci hi.

⁶Abram in, "Na nasemnu nang thu ahi hi, hoih pen dinga na ngaihsut bangin hih in,"" ci hi. Tua ciangin Sarai in Hagar bawlsia a; a kiang pan taikhia hi.

⁷TOPA’ vansawltak in sehnel-gam ciktui gei khatah Hagar mu hi; tua pen Shur paina lampi gei-a ciktui ahi hi.

⁸Amah in, "Sarai’ nasemnu Hagar aw, koi pan hong kipana koi-a pai ding na hi hiam?" a ci hi. Tuanu in, "Ka pi Sarai kiang pana taikhia ka hi hi;" ci-in dawng hi.

⁹Tua ciangin TOPA’ vansawltak in, "Na pi kiangah ciah kik inla ama tungah ki-ap in," ci a,

¹⁰"Na suan-le-khakte sim zawh lohin ka tamsak ding hi," cih beh lai hi.

¹¹TOPA’ vansawltak in tuanu kiangah: "Tu-in nang nau na paii a, tapa khat na nei ding hi. TOPA in na thuaksiatna hong za khin ahi manin a min Ishmael a[75] na phuak ding hi.

¹²Amah mi’ laa le hi ding a, ama khutin mi khempeuh langpangin, mi khempeuh khutin amah langpan dinga b[76] a sanggamte khempeuh galbawlin a nungta ding hi," a ci hi.

¹³Tuanu in amah a hopih TOPA hih min a phuah hi: "Nang, kei hong mu Pasian na hi hi; tu-in kei hong mu Pa ka mu c[77] khin hi," ci hi.

¹⁴Tua ahi manin tua tuikhuk Beer Lahai Roi d[78] kici hi. Tua pen tu-in Kadesh le Bered kikalah a om lai hi.

¹⁵Tua ciangin Abram in Hagar tawh tapa khat nei a, a tapa min Ishmael phuak hi.

¹⁶Hagar in Ishmael a suah in Abram kum sawm giat le guk pha ta hi.