Read Zokam Piancilna 19 Bible Online

Piancilna 19 - Zokam bible

Piancilna 19

¹Nitak ciangin vansawltak nihte Sodom ah tung uh a, khuapi kongpi ah Lot a na tu hi. Amah in amaute a muh ciangin diangkhia in va dawna, a maitang leilam ngatin a kunsuk hi.

²Amah in, "Ka tote aw, na nasempa inn lamah hong kihei un. Na khete uh silin zantam unla, zingtungin na khualzinna ban uh zom un," ci hi. Amaute in, "Hi lo hi, khualai tual-awngah ka giak ding uh hi," ci-in dawng uh hi.

³Ahi hangin amah in nakpi-takin ci teitei ahi manin amah zui uh a, a innah lut uh hi. Amah in a an dingun silngo sawh loh anlum emsaka, a ne uh hi.

⁴Amaute a lup ma-un, Sodom khuapi mun khempeuh panin - a khangmoi a khanghamin - pasal khempeuh in tua inn um uh hi.

⁵Amaute in Lot samin, "Tu zana zin hong tungte koi-ah om uh hiam? Ka luppih dingun hong pusuaksak in," ci uh hi.

⁶Amaute tawh kimu dingin Lot paikhia a kong lehkhakin,

⁷"Lawmte aw, hi kei. Hih kheltatna na sem kei un.

⁸En un pasal in a luppih ngei nai loh tanu nih ka nei hi. Hong paikhiasak ningin amaute na ut bangbangun bawl un. Ahi hangin hih mite ka inn sungah kei hut dinga omsa ahi manin bangmah cih kei un," a ci hi.

⁹Amaute in, "Hong nawngkaisak kei in," ci-in a dawng uh hi. Tua ciangin amaute in, "Hih mipa hih lai-ah pemta hi a, tu-in thukhen hong sem ahi hi; Amaute sangin nang kong khelbawl zaw ding uh hi." a ci uh hi. Amaute in Lot phu tantan in, mailam neh in kongkhak a nehkham dekdek uh hi.

¹⁰Ahi hangin a sunga mite in a khut uh zankhia in inn sungah Lot kai uh a, kong a khak uh hi.

¹¹Tua ciangin amaute in, inn kongkhak-a omte a khangno a khanghamin kongkhak a muh theih loh nadingun a mit uh a tawsak uh hi.

¹²Mi nihte in Lot kiangah, "Hih lai-ah midang khatpeuh - makte tanu tapate ahikeh nang tawh kisai mi khatpeuh hih khuapi sungah na nei hiam? Hih lai pan paikhiatpih in,

¹³bang hang hiam cih leh hih mun ka susia ding uh hi. TOPA tungah hih muna mite mawhna lian lua ahi manin tua mun susia dingin amah in ko hong sawl hi," ci uh hi.

¹⁴Tua ciangin Lot paikhia-a, a tanute a tenpih a[90] dinga a dongsa a mak dingte a va hopih hi. Amah in, "Manlangtakin hih mun pan paikhia un, bang hang hiam cih leh TOPA in i khuapi susia dekta hi!" a ci hi. Ahi hangin a mak dingte in a ciamnui-in a ngaihsun uh hi.

¹⁵Khuavak ciangin vansawltakte in Lot kiangah, "Manlang un! Hih lai-a om na zi le na tanute gel na taipih kei leh khuapi dan a kipiak ciangin no tawh hong kisiaksiang khawm ding hi," ci-in sawl tentan uh hi.

¹⁶Amah zia-ol a, tua ciangin TOPA in amaute lainat ahi manin tua mite in amah le a zi le a tanute bantangkaih uh a, khuapi pua-ah bittakin a koihkhia uh hi.

¹⁷Amaute khuapi pua-ah a koih khit phetun amaute khat in, "Na nuntak nadingun tai un. Nunghei kei unla zanglei mun khat beekah khawl kei un! Mual tungah tai un, tua hi kei leh note hong kiphiatmang kha ding hi!" ci hi.

¹⁸Ahi hangin Lot in amaute kiangah, "Hi lo hi, tote b[91] aw hong hehpih un!

¹⁹Na c[92] nasempa un note angvanna ngah a na d[93] migitna lianpi uh tawh ka nuntakna nong e[94] hawisak zo uh hi. Ahi hangin mualte tungah ka tai zo kei ding hi; hih siatna in hong lapin ka si ding hi.

²⁰Hua khuapi en dih un; tai nading khopin nai a, khuapi neu khat ahi hi. Tua lai-ah kei hong taisak un - neu mahmah lel hi lo hiam? Tua hileh ka nungta ding hi," ci hi.

²¹Amah in a kiangah, "Hoih mahmah hi, hih ngetna zong ka pia ding hi. Na gen khuapi ka lumlet kei ding hi.

²²Ahi hangin manlangin tua lai-ah tai in, bang hang hiam cih leh tua lai na tun mateng bangmah ka hih thei kei ding hi," a ci hi. (Tua thu hangin tua khua Zoar f[95] kici hi.)

²³Zoar ah Lot a tunin tua gam ah ni suak khin ta hi.

²⁴Tua ciangin TOPA in Sodom le Gomorrah tungah kaatkuang zusak hi - vante pualam TOPA kiang pan ahi hi.

²⁵Amah in tua bang khuapite le a kima zangleite khuapi sunga a tengte khempeuh le - leitanga po ankung khempeuh a lawnthal hi.

²⁶Ahi hangin Lot zi in nung-et a ci khuampi a suak hi.

²⁷A zingciang zingtung in Abraham tho a, TOPA mai-a a dinna munah a va pai kik hi.

²⁸Amah in Sodom le Gomorrah le zanglei mun teng ensuk-a, pummeikhuk pan-a khu bangin lei pana meikhu sahpi khu to a mu hi.

²⁹Tua ci-a Pasian in zanglei khuapite a suksiat ciangin Abraham phawka, Lot tenna khuapi a lawnthal siatna lianpi panin Lot a paikhiasak ahi hi.

³⁰Zoar ah teng ngam lo uh ahi manin Lot le a tanute in Zoar nusia uh a mual tungah a lal uh hi. Amah le a tanute kawhawm sung khatah a teng uh hi.

³¹Ni khat a tanu upa pen in a naunu kiangah, "I pa lah tek ta a, leitung luppih ngeina-a i luppih ding lah hih lai-ah kuamah a om kei hi.

³²I pa, lenggahzu dawnsak ni in tua ciangin amah luppih in i pa tungtawnin i innkuan kiguizopna piangsak mai ni," a ci hi.

³³Tua ni zanin a pa uh lenggahzu dawnsak uh a, a tanu upa pen sungtumin amah a luppih hi. Amah in a tanu a lup lam ahi a, a thawh lam ahi zongin a phawk kei hi.

³⁴A zing ciangin a tanu upa pen in a naunu kiangah, "Zan zanin ka pa ka luppih hi. Tu zanin amah lenggahzu dawnsak kik-in ama tungtawna i innkuan kizopna a bei loh nadingin sungtumin i pa na luppih ding hi," a ci hi.

³⁵Tua ciangin tua zan zong a pa lenggahzu dawnsak uh a, a tanu nauzaw pai-in amah a luppih hi. Amah in tuanu a lup lam le a thawh lam a thei kei leuleu hi.

³⁶Tua ciangin Lot tanu tegel a pa panin nau a paii uh hi.

³⁷A tanu upa pen in tapa nei in, a min Moab a[96] phuaka, amah tu huna Moab mite’ pa ahi hi.

³⁸A tanu nauzaw in zong tapa mah nei a, a min Ben-Ammi b[97] a phuak hi; amah tu hun-a Ammon mite’ pa ahi hi.